दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

सांसद केसीको शोकमा कांग्रेसले बुधबार देशभर पार्टी कार्यालय बन्द गर्ने

न्यूजलाईन्स् मिडिया संवाददाता
प्रकाशित मिति : २०७७ कार्तिक १८ गते, मंगलवार १९:०८

काठमाडौँ, कार्तिक १८ – प्रतिनिधिसभामा आफ्ना सांसद रहेका आमन्त्रित केन्द्रीय सदस्य सूर्यबहादुर केसीको निधनमा नेपाली कांग्रेसले बुधबार देशैभरका पार्टी कार्यालय बन्द गर्ने भएको छ। बिहीबारसम्म पार्टीको झण्डा आधा झुकाउने निर्णयसमेत आज बसेको कांग्रेस केन्द्रीय समितिले निर्णय गरेको हो।

केसीको सोमबार बेलुकी पोखरास्थित घरमा निधन भएको थियो। केसीको निधनमा कांग्रेस केन्द्रीय समितिले शोक प्रस्ताव पारित गरेको मुख्यसचिव कृष्णप्रसाद पौडेलले बताए।

साथै कांग्रेसले १३ दिनसम्म केन्द्रीय कार्यालय र सबै जिल्ला कार्यालयमा शोक पुस्तिका राख्ने निर्णय पनि गरेको छ। केसीले नेपालको उद्योग वाणिज्य तथा सामाजिक क्षेत्रमा उल्लेखनीय योगदान पुर्‍याएको कांग्रेसले जनाएको छ।

केसी २०७४ सालमा कांग्रेस प्रवेश गरेका थिए। उनी समानुपातिकतर्फ कांग्रेस सांसद थिए।

फेसबुक प्रतिक्रिया
सम्बन्धित शीर्षकहरु