दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

बनाउनु पर्दैन, आफै बन्छ देश -तिम्सिना

न्यूजलाईन्स् मिडिया संवाददाता
प्रकाशित मिति : २०७७ कार्तिक २० गते, बिहीबार ९:०८

बनाउनु पर्दैन, आफै बन्छ देश !

आफ्नै देश नभएर के भयो र,
बाँधिएका छैनन्
हात्ती र गैंडाका बथानहरु !!
खुशी छन् बादलका लस्करहरु
स्वतन्त्र छन् चराका हुलहरु !!

महत्व नभएर के भयो र …

हाँसेका छन् मन्दिरमा नपुजिने फूलहरु पनि !
खान नमिल्ने फलहरु पनि !!

एउटै रुखले सत्य थाम्ने भए
किन उम्रनु हजारौं वृक्षहरु ?
एउटै भोकले जीवन थेग्ने भए
किन गर्नु दैनिक मिहिनेतहरु ?
एउटै साँझले जुनी बित्ने भए
किन उदाउनु लाखौं दिनहरु ?

साथी ,

सुकेको हाँगा टेकेर
कसरी माथि चढिन्छ र ?
जमिनमा टाउको जाेतेर
कसरी आकाश देखिन्छ र ?

सम्झिनुहोस्,

अन्त्य हुँदैछ छेपाराको शताब्दी
जो अँध्यारोमा
घर बनाउने सपना देख्छ,
उज्यालोमा बिर्सन्छ !!

झरिरहेछ हाँगाबाट
म्याद सकिएपछि पतिंगर
रुखलाइ थाहा छ,
शीतलता बाँड्न
नयाँ पातहरु चाहिन्छ !

मनमा घाम राख्नुपर्छ
संसार आफै उज्यालो देखिन्छ!
जब भुँइको धुलौटो माटो बन्न सक्छ भने !
झुसिल्किरो पुतली बनेर उड्न सक्छ भने!

सायद साबित हुनेछ
ढुङ्गा सिर्फ ढुङ्गामा मात्र सिमित रहने छैन
भगवान पनि बन्नेछ !

चाल्नुहोस् कदमहरु
सिक्नुहोस् आयामहरु !

जस्तै हेर्नुहोस्

कमिलाको एकता
कसरी उचाल्दैछ झुसिल्किरा ?

हेर्नुहोस मौरिको मिहेनत,
कणकण जम्मा गरेर
कसरी बनाउँदैछ मह !

हेर्नुहोस् गौथलीको मेहनत
कसरी बनाउँदैछ घर ?

हेर्नुहोस् चराहरुको निरंन्तरता
कसरी सिन्का सिन्का जोडेर
मजबुत पार्दैछ गुँड ?

साथी ,

आफ्नै नङ्ग्रा जोतेर
घरबारीका बाँझो फोर्नुहोस!

फुटाएर आफ्नै पसिनाले
पाखा पखेरो करेसाहरु
अलिकति उमार्नुस
रायोका बेर्ना,
अलिकती उमार्नुस
खुर्सानीका ढेंडिहरु !!

देश बनाउनु पर्दैन ,
आफैँ बन्छ !!

राम चन्द्र तिम्सिना (आवाज)
नुवाकोट

फेसबुक प्रतिक्रिया
सम्बन्धित शीर्षकहरु