• ट्राफिक सचेतनाका लागि ‘सांगीतिक डमी अभियान’ शुभारम्भ

    न्यूजलाईन्स् मिडिया संवाददाता
    प्रकाशित मिति : २२ कार्तिक २०७७, शनिबार १८:२३

    काठमाडौँ, कात्तिक २२ – ट्राफिक सचेतनाका लागि महानगरीय ट्राफिक प्रहरी महाशाखाको एक नयाँ अभियानको शुभारम्भ गरेको छ ।

    शनिबारदेखि महाशाखाले ट्राफिक सचेतनाका लागि ‘सांगीतिक डमी अभियान’ शुभारम्भ गरेको हो ।

    महाशाखाका प्रमुख एसएसपी भीम ढकालले सर्वसाधारण र चालकलाई ट्राफिक नियम पालनामा जागरुक बनाउन चोक चोकमा डमी राखेर ट्राफिक सचेतनामुलक गीतहरु बजाउँदै जनचेतना जगाउने काम भएको बताए । उनका अनुसार पहिलो चरणमा काठमाडौं उपत्यकामा ५ स्थानहरु रत्नपार्क, कोटेश्वर, कलंकी, नयाँ बानेश्वर र नयाँ बसपार्कमा सांगीतिक डमी अभियानको शुभारम्भ गरिएको छ ।

    ट्राफिक प्रहरीले अभियानबाट एक महिनामा १ लाख जनामा ट्राफिक सचेतामा जगाउने लक्ष्य लिएको छ । यसअघि ट्राफिक प्रहरीले उपत्यकाका विभिन्न स्थानमा ट्राफिक डमी राखेको थियो भने त्यो डमी अभियान प्रभावकारी बनेको बताइएको छ ।

    फेसबुक प्रतिक्रिया
    सम्बन्धित शीर्षकहरु