दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

भर्खरै आईपिओ जारी गरेको साधना लघुवित्तको पहिलो त्रैमासमा कस्तो गर्यो प्रगति ?

न्यूजलाईन्स् मिडिया संवाददाता
प्रकाशित मिति : २०७७ कार्तिक २८ गते, शुक्रबार २२:४६

साधना लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । लघुवित्तले पहिलो आर्थिक वर्षको पहिलो त्रैमासमा १ करोड ७४ लाख खुद नाफा आर्जन गर्न सफल भएको छ ।
यो नाफा अघिल्लो वर्षको तुलनामा १२७ प्रतिशतले धेरै हो । गत आर्थिक वर्षको यसै अवधिमा लघुवित्तले ७६ लाख ६३ हजार रुपैया खुद नाफा कमाएको थियो । लघुवित्तको खुद ब्याज आम्दानी बढेसँगै खुद नाफा पनि बढेको हो । पहिलो त्रैमासमा लघुवित्तले ३ करोड १२ लाख रुपैयाँ खुद ब्याज आम्दानी गरेको छ । गत आर्थिक वर्षको यसै अवधिमा लघुवित्तले २ करोड ४६ लाख रुपैयाँ खुद ब्याज आम्दानी गरेको थियो । त्यस्तै, लघुवित्तको अन्य सञ्चालन आम्दानी पनि १ करोड २१ लाख वाट बडेर २ करोड १७ लाख रुपैयाँ पुगेको छ । पहिलो त्रैमासमा लघुवित्तले ७१ लाख रुपैयाँ सञ्चालन नाफा गरेको छ । गत आर्थिक वर्ष यस्तो नाफा १ करोड ५ लाख थियो । सम्भावित जोखिम बापतको व्यवस्थामा उल्लेख्य रकम छुट्याउँदा उसको सञ्चालन नाफा कम भएको हो । लघुवित्तले सम्भावित जोखिम वापत १ करोड ८३ लाख रुपैयाँ छुट्याएको छ ।
लघुवित्तको कर्जा लगानी १ अर्ब ३६ करोड रुपैयाँवाट बढेर २ अर्ब २६ करोड रुपैयाँ पुगेको छ भने निक्षेप संकलन ३२ करोड ५९ लाख रुपैयाँवाट बढेर ५४ करोड ६५ लाख रुपैयाँ पुगेको छ ।
लघुवित्तको खराव कर्जा अनुपात ०.३२ प्रतिशतवाट बढेर ०.७० प्रतिशत पुगेको छ । हाल २१ करोड ७७ लाख रुपैयाँ चुक्ता पूँजी रहेको लघुवित्तको जगेडा कोषमा ७ करोड ८३ लाख रुपैयाँ छ । लघुवित्तको प्रतिशेयर आम्दानी ३२ रुपैयाँ ८ पैसा, प्रतिशेयर नेटवर्थ १३५ रुपैयाँ ९९ पैसा र मूल्य आम्दानी अनुपात २५.४१ गुणा रहेको छ ।

फेसबुक प्रतिक्रिया
सम्बन्धित शीर्षकहरु