• कोरोना प्रभावितहरुलाई रत्नपार्कमा दैनिक निःशुल्क खानाको व्यवस्था

    न्यूजलाईन्स् मिडिया संवाददाता
    प्रकाशित मिति : २९ कार्तिक २०७७, शनिबार १३:५७

    काठमाडौ, २९ कार्तिक-लायन्स क्लब अफ काठमाडौं न्यू ग्रीनसिटी, मानबी क्रिएटिभ एसोसिएसन, सेफ्स एशोसिएसन अफ नेपाल र लायन्स क्लब अफ काठमाडौं टासीको संयुक्त आयोजनामा दैनिक निशुल्क भोजन कार्यक्रम संचालनमा छ ।

    उक्त निःशुल्क खाना कार्यक्रमको सहयोगिमा ह्याप्पी होस्टेल काठमाडौं, सेतिओपी युवा क्लब रेन्वो भोलेन्टेयर, ल्यान्डमार्क होटल, मनासलु एडभेञ्चर छन् ।

    खाना व्यवस्थापनका लागि ल्यान्डमार्क होटेलका एक्जुकेटिभ सेफ तथा सेफ्स एसोसिएसन अफ नेपालका उपाध्यक्ष शिवहरि घिमिरेको संयोजकत्वमा वरिस्ठ सेफ दधिराम दाहालु, बहादुर थापा मगर र श्यामसुन्दर श्रेष्ठको समुह सकृय छ ।

    टिमले कोरोना प्रभावितहरुलाई रत्नपार्कमा दैनिक निःशुल्क खानाको व्यवस्था गर्नेछ । शुक्रबार निःशुल्क खानाका साथै रत्नपार्कमा गरिबका लागि लत्ताकपडा वितरण कार्य समेत सम्पन्न गरिएको छ ।

    लत्ता कपडा वितरणको संयोजकत्व क्लबका मार्केटिङ कम्युनिकेसन अफिसर कमल दाहालले गरेका थिए । धादिङ जिल्लामा पनि बृद्धाहरुको लागि टर्च लाइट, वाकिङ स्टिक र छातालगायत सामग्री वितरण गरिएको छ ।

    आयोजक एवम् सहयोग संस्थाको तर्फबाट विभिन्न बाल तथा वृद्धाश्रममा राशन एवम् हरियो तरकारी समेत उपलब्ध गराउँदै आएको सेफ्स एशोसिएसनका उपाध्यक्ष शिबहरि घिमिरेले जानकारी दिएका छन् ।

    कोरोनाका कारण पर्न गएको असरलाई कम गर्न ७७ वटै जिल्लामा फुडबैंक समेत सञ्चालनमा ल्याउने तयारी भइरहेको र सोही कार्यक्रम अन्तर्गत रत्नपार्कको खुल्लामञ्चमा निशुल्क खाना खुवाउने कार्यक्रम शुरु भइसकेको कार्यक्रम संयोजक एवम् लायन्स क्लब ग्रिन सिटिका अध्यक्ष इन्द्रबहादुर कार्कीले बताए ।

    कोभिडका कारण लकडाउन शुरु भएयता २०५ दिनदेखि रत्नपार्कमा दैनिक ३०० देखि ३५० जनाले खाना खाने गरेको घिमिरेले जानकारी दिएका छन् ।

    फेसबुक प्रतिक्रिया
    सम्बन्धित शीर्षकहरु