• एनआरएनए आईसिसीमा अस्ट्रेलियाबाट गणेश केसीले उपाध्यक्षमा उम्मेदवारी दिनेमधेश प्रदेश नाम राखेकोमा चुरेभावर लोकतान्त्रिक पार्टीको विरोधआज नेप्से ३८.३५ अंकले घटेर दुई हजार ८ सय ९८ दशमलब ३१ विन्दुमानेकपा (माओवादी केन्द्र समाजवादी) द्धारा आगामी २ वर्षभित्र कम्युनिष्ट सम्मेलन गर्ने घोषणा, यस्तो छ उद्देश्यनिर्वाचनको डरबाट मुक्त हुन प्रधानमन्त्री देउवालाई आग्रह गर्छु, सडक संघर्षबाट निर्वाचनको लागि बाध्य पार्नु नपरोस : पोखरेलनिर्वाचनको हकमा संविधान वा कानूनको परिधिभन्दा एक दिन पनि बाहिर नजाने भन्ने प्रधानमन्त्रीको चाहना छ : मीन विश्वकर्मानम्रता अर्यालको अभिनयमा "निस्ठुरी माया बोलको म्युजिक भिडियो सार्वजनिकदेश बनाउने रहर भन्छन मानिससार्वजनिक स्थानमा हिँडडुल गर्न खोपकार्ड अनिवार्यमध्य तराईमा दिन प्रतिदिन चिसो बढ्दै

    तत्काल दोहोरी तथा रात्रिकालिन व्यवसाय खुलाउनुपर्ने माग

    न्यूजलाईन्स् मिडिया संवाददाता
    प्रकाशित मिति : १० मंसिर २०७७, बुधबार १७:२२

    काठमाडौं, १० मंसिर । दोहोरी साँझ तथा रात्रिकालिन व्यवसाय सञ्चालन तथा व्यवस्थापन समितिले सरकार तथा सरोकारवाला निकायले तत्काल दोहोरी तथा रात्रिकालिन व्यवसाय खुलाउनुपर्ने माग राखेर विभिन्न संघर्षका कार्यक्रम आज सार्वजनिक गरेको छ । यसअघि पटक पटक आफूहरुको व्यवसाय सञ्चालनको लागि सरकार तथा सम्बन्धित सबैलाई आग्रह गर्दापनि कुनै सुनुवाई नभएको कारणले संघर्षका कार्यक्रम अघि सार्न बाध्य भएको समितिले जनाएको छ ।

    कोभिड–१९ ले नेपालको अर्थतन्त्र अस्तव्यस्त भएको र यसमा सबैभन्दा ठूलो मारमा दोहोरी साँझ तथा रात्रिकालिन व्यवसाय पनि परेको समितिको गुनासो छ । आज (बुधबार) रिपोर्टर्स क्लब नेपालमा पत्रकार सम्मेलनको आयोजना गरेर समितिले यस्तो माग गरेको हो । दोहारी तथा रात्रिकालिन व्यवसायबाहेक अन्य व्यवसाय खुलाईएको तर यो क्षेत्र खुलाउनको लागि सरकारले कुनै चासो नदेखाएको समितिले आरोप लगाएको छ ।

    समितिले भनेको छ,‘कोभिड–१९ ले नेपाल लगायत विश्वको अर्थतन्त्र धराशयी बनाएको र पछिल्लो समय नेपाल सरकारले रात्रिकालिन लगायत अन्य केही व्यवसायहरु बाहेक सम्पूर्ण व्यवसायहरु स्वास्थ्य मापदण्ड पुरा गरेर सञ्चालन गरिसकेको अवस्थामा देशका कला, संस्कृतिको संरक्षण र आयस्रोतको एक मेरुदण्डको रुपमा रहेको रात्रिकालिन व्यवसायलाई पूर्ण रुपमा बन्द गरिएको छ । र, हामीले पटक पटक सम्बन्धित निकायमा अनुरोध गर्दा पनि कुनै सुनुवाई नभएकाले, काठमाडौं उपत्यकामा मात्रै झण्डै पाँच सयको हाराहारीमा रहेको व्यवस्था र २० हजारभन्दा बढिले प्रत्यक्ष रोजगारी पाएको यस व्यवसायलाई सरकारले कुनै पनि चासो नदिनु दुःखद् कुरा हो ।’
    समितिले आफ्ना मागहरुप्रति सरकार उदासिन बनेको पनि गुनासो पोखेको छ । समितिले आवश्यक जनस्वास्थ्यका मापदण्ड अपनाएर नै व्यवसाय खोल्ने जानकारी गराएको हो ।

    कार्यक्रममा राष्ट्रिय लोक तथा दोहोरी व्यवसायी संघका अध्यक्ष रिम क्षेत्रीले पनि दोहारी तथा रात्रिकालिन व्यवसाय तत्काल खुलाउनुपर्नेमा जोड दिएका छन् । उनले भने,‘सरकारले समितिले अघि सारेका माग जसरी पनि सम्बोधन गर्नुपर्छ । माग सम्बोधन नभएकै कारण आज हामी आन्दोलनमा उत्रिएका छौं । यो आन्दोलनले भोलिको दिनमा चर्को रुप लिनसक्छ । सरकारले बेलैमा सोचोस ।’

    त्यस्तै, राष्ट्रिय लोक तथा दोहोरी प्रतिष्ठान नेपालका पूर्व अध्यक्ष चन्द्र शर्माले पनि समितिका मागमा आफूहरुको एक्येबद्धता जनाए । उनले भने,‘यो संस्था र हाम्रो संस्थाबीच नङ र मासुको जस्तै सम्बन्ध छ । समितिले अघि बढाएका माग र मुद्दामा हाम्रो एक्येबद्धता छ ।’

    कार्यक्रममा रिपोर्टर्स क्लब नेपालका सभापति एवम् प्राइम टाईम्स टेलिभिजनका अध्यक्ष ऋषि धमलाले समितिको मागप्रति सरकार गम्भीर बन्नुपर्ने जोड दिए । उनले समितिले अघि सारेका माग र मुद्दालाई आफ्नो साथ र सहयोग रहने विश्वास दिलाए । उनले भने,‘म आवद्ध सबै मिडियामार्फत यहाँहरुको मागको म उठान गर्नेछु । दोहोरी व्यवसायीहरुलाई साथ र सहयोग रहने विश्वास दिलाउन चाहन्छु ।’

    त्यस्तै, नेपाल संगीतकर्मी संघका अध्यक्ष राजेन्द्र कार्कीले दोहारी तथा रात्रिकालिन व्यवसाय कलाकार सम्बन्धित व्यवसाय भएकोले सरकारले समितिले अघि सारेका माग र गरेको आग्रहलाई आत्मसात् गर्दै तत्काल व्यवसाय खुलाउनुपर्नेमा जोड दिए । उनले भने,‘भोलि आवश्यक परे हामी समितिले गर्ने संघर्षका सबै कार्यक्रममा सहभागिता जनाउँछौं र म यही मञ्चबाट एक्येबद्धता जनाउन चाहन्छु ।’

    कार्यक्रमको सञ्चालन भने समितिका सदस्य तथा प्रचारप्रसार विभागका प्रमुख भीम श्रेष्ठले गरेका हुन् । उनी राष्ट्रिय लोक दोहोरी व्यवसायी संघका सचिवसमेत हुन् । कार्यक्रमको सभापतित्व विनोद श्रेष्ठले गरेका थिए भने संघर्ष समितिका संयोजक गुणराज खनाल, रसना ढकाल, विश्वास नेपाल, नविन बुढाथोकी, राजमान डंगोलले पनि आ–आफ्नो धारणा राखेका थिए ।

    फेसबुक प्रतिक्रिया
    सम्बन्धित शीर्षकहरु