काठमाडौं । नेपालमा थप १ हजार ३ सय ४ जनामा कोरोना भाइरस (कोभिड १९)को संक्रमण पुष्टि भएको छ ।
देशभरका विभिन्न प्रयोगशालाहरुमा आरटी पीसीआर विधिबाट गरिएको परीक्षणबाट १ हजार ३ सय ४ नमूनाको नतिजा पोजेटिभ देखिएको छ ।
पछिल्लो २४ घण्टामा देशभरका प्रयोगशालामा गरी ८ हजार ५ सय ८३ जनाको आरटी पीसीआर विधिबाट नमूना परीक्षण गरिएको थियो ।
थप १ हजार ३ सय ४ जनामा संक्रमण पुष्टि भएसँगै नेपालमा कोरोना भाइरसका संक्रमितको संख्या २ लाख ३४ हजार ७ सय ५६ पुगेको छ ।
यस्तै, पछिल्लो २४ घण्टामा २१ जनाको कोरोना संक्रमणबाट मृत्यु भएको छ । हालसम्म कोरोना संक्रमणबाट मृत्यु हुनेको संख्या १ हजार ५ सय २९ पुगेको छ ।
पछिल्लो २४ घण्टामा २ हजार ७३ जना कोरोना भाइरसको संक्रमणबाट मुक्त भएका छन् । हालसम्म कोरोना भाइरसको संक्रमणबाट मुक्त हुनेको संख्या २ लाख १६ हजार ५ सय ९४ पुगेको छ भने १६ हजार ३ सय ३३ जना अझै सक्रिय संक्रमित छन् ।
२०८१ मंसिर २६ - बुधबार
