काठमाडौं । अभिनेत्री श्वेता खड्का विवाह बन्धनमा बाँधिदै छिन् । श्वेता खड्काले सोमबार धनगढीका विजयेन्द्रसिंह रावतसँग लगनगाँठो कस्न लागेकी हुन् ।
कोरोनाको कहरका कारण कडा सुरक्षाका बीच उनको र विजयन्द्रको विवाह समारोह आयोजना गरिएको छ । विवाहमा दुबै तर्फका नजिकका सिमित व्यक्तिको मात्र उपस्थिती रहने बताएका छन् ।
विवाहको अघिल्लो दिन श्वेताले सामाजिक संजालमा एक लामो भावुक स्टाटस पोष्ट गरेकी छिन् । स्वर्गीय अभिनेता श्रीकृष्ण श्रेष्ठसँग वि सं २०७१ साल असार २३ गते उनले विवाह गरेकी थिइन् ।
विवाह भएको एक महिनापछि श्रीकृष्णको निधन भएको थियो । श्रीकृष्णको निधनपछि उनले एक्लो जीवन बिताएकी थिईन् ।
श्रीकृष्णको निधनको समयमा गहिरो शोकमा डुबेकी श्वेताले अब जीवनभर विवाह नगर्ने अभिव्यक्ति दिएको विषय मिडियाले समाचार बनाएका थियो ।
श्वेताले केही समयपछि श्रीकृष्णको फोटो घरमा राख्न दिने मानिससँग विवाह गर्ने बताएकी थिईन । जीवनलाई दुःखबाट सुख तिर डोर्याउन विवाह गर्न लागेको उनले बताएकी छिन् ।
श्वेता र विजयन्द्रको प्रेमको विषयमा मिडियामा केही अगाडि देखि समाचार बाहिर आईरहेको थियो ।
तर श्वेताले केही दिन पहिले निम्तो कार्ड सहित विवाहको समाचार बाहिरिए पछि आइतबार भने सामाजिक सञ्जालमार्फत् विवाहबारे बोलेकी थिइन्
Source: Filmyfanda.com
२०८१ मंसिर २४ - सोमबार
