
काठमाडौं, २८ मंसिर । नेपाल कम्युनिस्ट पार्टी स्थायी कमिटी बैठक आधा घन्टा पनि नबसी सम्पन्न भयो । आजको बैठक छोटो भएपनि रोचक नै रह्यो । धुम्बाराहीमा बस्ने तय भएको बैठक बालुवाटारमा राखियो जहाँ प्रधानमन्त्री केपी शर्मा ओली समेत सहभागी भए ।

यसअघि शर्त राखेर बैठकमा उपस्थित नहुने अडान लिएका ओली ब्याक भए । तर, बैठकले राजनीतिक प्रतिवेदनमाथि कुनै छलफल गरेन । बैठक कमानसिंह लामाको शोक प्रस्ताव पारित गरेर सम्पन्न भयो । अर्को बैठक १ पुसको दिनको १ बजे राख्ने तय भयो ।


