दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

इन्चोन रणनीतिको कार्यन्वयको अवस्था र चुनौती विषयमा छलफल

न्यूजलाईन्स् मिडिया संवाददाता
प्रकाशित मिति : २०७७ मंसिर २८ गते, आईतवार १८:५८

२८ मंसिर २०७७ शर्मिला विश्वकर्मा, काठमाण्डौं ।

राष्ट्रिय शारीरिक अपाङ्ग संघ र एशिया प्यासेफिक अपाङ्गता भएका युवाहरुको इन्चोन रणनीतिको नेटवर्कको आयोजना तथा राष्ट्रिय अपाङ्ग युवा सञ्जाल नेपाल र नेत्रहिन युवा संघ नेपालको सहकार्यमा अपाङ्गता भएका युवाहरुको इन्चोन रणनीतिको कार्यन्वयनको अवस्था र चुनौती विषयक कार्यशाला काठमाण्डौंमा सम्पन्न गरिएको छ । सो कार्यशालामा आयोजक संस्था राष्ट्रिय शारीरिक अपाङ्ग संघ नेपालका अध्यक्ष किरण शिल्पकारले संस्थाले अपाङ्गता भएका व्यक्तिहरुका लागि सञ्चालन गरेका कार्यक्रमहरुको विषयमा कार्यत्रप प्रस्तुत गर्दै इन्चोन रणनीतिको पूर्ण रुपमा कार्यन्वयन गरी अपाङ्गता भएका व्यक्तिहरुको पहुँचयुक्तताको सवालमा वकालत गर्नु पर्ने कुरामा जोड दिनु भयो । त्यसै गरी नेत्रहिन महिला संघकी कार्यक्रम अधिकृत लक्ष्मी नेपालले इन्चोन रणनीति, अपाङ्गता भएका व्यक्तिहरुको अधिकार सम्बन्धी महासन्धि र दिगो विकास लक्ष्य कार्यन्वयनमा एशिया प्रान्त क्षेत्रका युवाहरुको भूमिकाको विषयमा कार्यपत्र प्रस्तुत गर्नु भएको थियो ।


सो कार्यशालामा नेत्रहिन युवा संघ नेपालका महासचिव रामचन्द्र गैरेले अपाङ्गता भएका युवाहरुका लागि बनेका नीति निययमहरु कर्यन्वयन हुनु पर्ने बताउनु भयो भने राष्ट्रिय अपाङ्ग युवा सञ्जालका अध्यक्ष महेन्द« थापाले अपाङ्गता भएका व्यक्तिहरुका लागि बनेका जति पनि नीति नियमहरु तथा ऐन कानूनहरु पूर्ण रुपमा कार्यन्वयनका लागि सबै एक जुट भएर सरकारको ध्यान केन्द्रित गर्नु पर्ने कुरामा जोड दिनु भयो । त्यसै गरी राष्ट्रिय अपाङ्ग महासंघ नेपालकी उपाध्यक्ष रमा ढकालले राज्यका सबै निकायहरुमा अपाङ्गता भएका युवाहरुको पहुँच हुन जरुरी रहेको बताउदै राष्ट्रिय अपाङ्ग महासंघ नेपालले अपाङ्गता भएका युवाहरुको पहिचान गरी अधिकार प्राप्तीका लागि जनस्तरमा नै वकालत गर्न सहयोग गर्ने बताउनु भयो । उक्त कार्यक्रमका प्रमुख अतिथि एवं राष्ट्रिय अपाङ्ग महासंघ नेपालका अध्यक्ष मित्रलाल शर्माले अपाङ्गता भएका व्यक्तिहरुका विभिन्न सवालमा बनेका रणनीति, कार्ययोजना तथा आएका दस्तावेजहरु कार्यन्वयनका लागि सरकारको ध्यानकर्षण गरेको र अबका दिनमा पनि सहकार्य गरेर काम गर्ने बताउनु भयो । सो कार्यक्रम विशेष गरी एशिया प्रान्तमा रहेका सबै प्रकारका अपाङ्गता भएका व्यक्तिहरुको हक हित र अधिकार सुनिश्तिको लागि आयोजना गरिएको थियो भने सो कार्यक्रममा विभिन्न प्रकारका अपाङ्गता भएका युवाहरुको सहभागीता रहेको थियो ।

फेसबुक प्रतिक्रिया
सम्बन्धित शीर्षकहरु