• एनआरएनए आईसिसीमा अस्ट्रेलियाबाट गणेश केसीले उपाध्यक्षमा उम्मेदवारी दिनेमधेश प्रदेश नाम राखेकोमा चुरेभावर लोकतान्त्रिक पार्टीको विरोधआज नेप्से ३८.३५ अंकले घटेर दुई हजार ८ सय ९८ दशमलब ३१ विन्दुमानेकपा (माओवादी केन्द्र समाजवादी) द्धारा आगामी २ वर्षभित्र कम्युनिष्ट सम्मेलन गर्ने घोषणा, यस्तो छ उद्देश्यनिर्वाचनको डरबाट मुक्त हुन प्रधानमन्त्री देउवालाई आग्रह गर्छु, सडक संघर्षबाट निर्वाचनको लागि बाध्य पार्नु नपरोस : पोखरेलनिर्वाचनको हकमा संविधान वा कानूनको परिधिभन्दा एक दिन पनि बाहिर नजाने भन्ने प्रधानमन्त्रीको चाहना छ : मीन विश्वकर्मानम्रता अर्यालको अभिनयमा "निस्ठुरी माया बोलको म्युजिक भिडियो सार्वजनिकदेश बनाउने रहर भन्छन मानिससार्वजनिक स्थानमा हिँडडुल गर्न खोपकार्ड अनिवार्यमध्य तराईमा दिन प्रतिदिन चिसो बढ्दै

    राजश्व कार्यालयको आयोजना तथा वाणिज्य संघको समन्वयमा कर छुट सुविधा र सम्मान कार्यक्रम

    न्यूजलाईन्स् मिडिया संवाददाता
    प्रकाशित मिति : ३० मंसिर २०७७, मंगलवार ०८:२७

    ललितपुर, ३० मंसिर – ललितपुरमा आर्थिक ऐन २०७७ मा भएका कर छुट सुविधा एवं उत्कृष्ट करदाता सम्मान कार्यक्रम सम्पन्न भएको छ । आन्तरिक राजश्व कार्यालय, ललिपुर १ को आयोजना तथा ललितपुर उद्योग वाणिज्य संघको समन्वयमा सोमबार उद्योग वाणिज्य संघको सभाकक्षमा कार्यक्रम आयोजनामा आएको हो । संघका अध्यक्ष कृष्ण लाल महर्जनको अध्यक्षतामा संचालन भएको उक्त कार्यक्रममा अध्यक्ष महर्जनले आजको कार्यक्रम यस संघ र आन्तरिक राजश्व कार्यालयको सहकार्यमा नेपाल सरकारको २०७७÷०७८ को बजेट वक्तव्य पश्चात नै गर्नु पर्नेमा कोरोना महामारीका कारण ढिला भएको बताए । अध्यक्ष महर्जनले कोरोनाले गर्दा स्थिर रहेको व्यापार व्यवसायहरु अहिले चलायमान हुन थालेकोमा खुशी पनि व्यक्त गरे ।

    आन्तरिक राजश्व कार्यालय, ललितपुर १ का कर अधिकृत तिलक थापाले कार्यक्रममा आर्थिक ऐन २०७७ मा भएका कर छुट सुविधाका बारेमा जानकारी गराएका थिए भने आन्तरिक राजश्व विभागका निर्देशक चुडामणी ढुङ्गानाले एकिकृत कर प्रणालीमा गरिएको सुधारका बारेमा जानकारी गराएका थिए।

    कार्यक्रममा आन्तरिक राजश्व कार्यालय, ललितपुर १ का प्रमुख कर अधिकृत जीवन कुमार घिमिरेले व्यवसायीहरुको जिज्ञाशाको उत्तर दिने क्रममा व्यवसायीहरुलाई आजको अवस्थामा राजश्व सम्बन्धी नीति नियमका बारेमा जानकार हुन आवश्यक रहेको कुरा व्यक्त गरे । साथै उनले जिल्ला स्थित सम्पूर्ण वस्तुगत संघ संस्थाहरुलाई यस बारेमा आफ्ना सदस्यहरुलाई जानकार गराउन आग्रह पनि गरे ।

    उक्त कार्यक्रममा घिमिरेले ललितपुर जिल्लाका उत्कृट करदाता भेगा फर्मास्यूटिकल्स प्रा.लि.का प्रबन्ध निर्देशक रामचन्द्र भण्डारीलाई सम्मान समेत गरे । यसै अवसरमा उनले संघका अध्यक्ष महर्जनलाई नेपाल उद्योग वाणिज्य महासंघको कार्यकारिणी सदस्य पदमा एशोसियट तर्फबाट निर्वाचित भएकामा बधाई एवं शुभकामना समेत व्यक्त गरे ।

    कार्यक्रममा ललितपुर जिल्ला स्थित विभिन्न वस्तुगत संघका अध्यक्षहरु तथा प्रतिनिधिहरु, ललितपुर उद्योग वाणिज्य संघको राजश्व समितिका सदस्यहरु र संघका पदाधिकारीहरु एवं सदस्यहरुको उपस्थिती रहेको थियो ।

    फेसबुक प्रतिक्रिया
    सम्बन्धित शीर्षकहरु