काठमाडौं । पछिल्लो २४ घण्टामा थपिएका कोरोना संक्रमितको संख्या ४०३ रहेको छ । स्वास्थ्य तथा जनसंख्या मन्त्रालयका अनुसार सोमबार थपिएका संक्रमितमध्ये काठमाडौं उपत्यकाका १८५ जना रहेका छन् ।
स्वास्थ्य तथा जनसंख्या मन्त्रालयका अनुसार पछिल्लो चौबीस घण्टामा ४ हजार ४ सय १ जनाको पिसिआर गरिएको थियो । यो सँगै कोरोना संक्रमितको संख्या २ लाख ६२ हजार २६२ पुगेको छ।
देशभर सक्रिय संक्रमितको संख्या ५ हजार २८९ छ । यसमध्ये १ हजार ७७४ जना संक्रमित होम आइसोलेसनमा रहेका छन्। पछिल्लो २४ घण्टामा कोरोनामुक्त भई डिस्चार्ज हुनेको संख्या ५९५ रहेको छ। हालसम्म निको भएका संक्रमितको संख्या २ लाख ५५ हजार ८८ रहेको छ ।
अहिले आइसियूमा २०९ जना र भेन्टिलेटरमा ३४ जना संक्रमित उपचाररत छन् । २४ घण्टामा मृत्यु भएका संक्रमितको संख्या ७ रहेको छ। नेपालमा कोरोनाबाट मृत्यु हुनेको जम्मा संख्या १८८५ पुगेको छ।
२०८२ बैशाख १२ - शुक्रबार
