दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

देशभर हल्का पानी परेसँगै उच्च पहाडी र हिमाली क्षेत्रमा हिमपात

न्यूजलाईन्स् मिडिया संवाददाता
प्रकाशित मिति : २०७७ माघ २४ गते, शनिबार १८:५८

काठमाडौं, २४ माघ – शनिबार दिउँसो काठमाडौं उपत्यकामा पानी परेको छ । मौसम पूर्वानुमान महाशाखाकी मौसमविद् सजीना शाक्यका अनुसार अहिलेसमेत सामान्य वर्षा भइरहेको उपत्यकामा अझै केहीसमय पानी पर्ने सम्भावना रहेको छ ।

मौसमविद् शाक्यका अनुसार पश्चिमी न्यून चापीय प्रणालीको प्रभावले शनिबार देशभर हल्का वर्षा भएको हो । शनिबार बाग्मती, गण्डकी, लुम्बिनी र प्रदेश १ मा पानी परेको हो । अन्य प्रदेशका केही ठाउँमासमेत पानी परेको छ भने बागमती प्रदेशमा अहिलेसमेत पानी परिरहेको छ।

देशभर हल्का पानी परेसँगै उच्च पहाडी र हिमाली क्षेत्रमा हिमपात भएको छ । पहाडी क्षेत्रमा सामान्य हिमपात भएको हो भने हिमाली क्षेत्रमा भारी हिमपात भएको छ । काठमाडौं उपत्यकामासेत सामान्य हिमपात भएको छ । काठमाडौंसँगै चन्द्रागिरी डाँडामा हिउँ परेको छ।

शनिबार दिउँसो सुदुरपश्चिम र कर्णाली प्रदेशमा आंशिक बदली हुँदा बाँकी प्रदेशका भूभागमा आंशिकदेखि सामान्य वर्षा भएको हो। शनिबार रातिसमेत प्रदेश १, प्रदेश २, बागमती प्रदेश र गण्डकी प्रदेशमा आंशिकदेखि सामान्य बदली हुने पूर्वानुमान गरिएको छ ।

फेसबुक प्रतिक्रिया
सम्बन्धित शीर्षकहरु