
काठमाडौं । पहिलो चरणको कोरोना खोप अभियान सम्पन्न भएको छ । १० दिनसम्म चलेको पहिलो चरणको खोप अभियानका क्रममा करिब एक लाख ८७ हजार जनाले खोप लगाएपछि शनिबार सम्पन्न भएको हो ।
दोस्रो चरणको खोप आजबाट सुरु हुँदै छ । दोस्रो चरणको खोप अभियान एक हप्तामा सकिनेछ बताइएको छ । जसमा तीन लाख जनालाई खोप दिइने लक्ष्य रहेको बताइएको छ ।
दोस्रो चरणमा बढि मानिसको भीडमा काम गर्ने र धेरै मानिसको सम्पर्कमा आउने पेशागत क्षेत्रका व्यक्तिहरु पत्रकार, बैंकका कर्मचारी, मालपोत कार्यालयका कर्मचारीगायतलाई खोप प्रदान गरिने बताइएको छ ।


