
काठमाडौं । नेपालका बिभिन्न जिल्लाका किसान समूहबाट उत्पादित र संकलित रैथाने कृषि उपजहरु प्रशोधन र प्याकिङ गरीएका अर्गानिक खाद्य पदार्थ प्रबद्र्धन तथा बिक्री वितरण शरूवात गरिएको छ।
प्रशोधन र बिक्री केन्द्र समेत एकीकृतरुपमा सञ्चालन गर्ने योजना सहित नेपाल अधिराज्य भरी किसानहरुले उत्पादन गरेका जैविक तथा विषादी बिहिन तरकारी तथा अन्य खाद्य बस्तुहरु औपचारिक रुपमा बिक्री वितरण शुरूवात गरिएको हो।

राजधानीको बतिसपुतलि स्थित बिग फुड ल्याण्डमा प्रत्येक हप्ता शनिबार बिहान ८ः०० बजे देखि दिनको २ः०० बजे सम्म बिगफुड ल्याण्डमा प्रांगणमा बिचौलियाको बाट नभई सिधै किसानबाट नै आफनो फार्मबाट उत्पादित अर्गानिक खाद्य बस्तुहरुको बिक्री बितरण हुदै आएको संचालक टिमका राम पुडासैनी ले जानकारी दिनु भयो।
२० देखि २२ वटा स्टलहरु रहने र स्टलमा बेकरीका परिकारहरु,बिभिन्न तरकारीहरु,हरियो सागपात,फलफुल जुस डेरीका परिकार,नेपाली कफी,हुम्लाको सिमीको दाल,मार्सी चामल, लोकल अण्डा,बिभिन्न नेपाली अचारहरु, सिस्नुको पाउडर, हिमाली जडिबुटी, जिम्बु, जौको सातु, टिमुर,मह,कोदोकोे पिठो, फापरको पिठो,मकैको पिठो,ग्रिन टी,हर्बल टी लगाएतका भान्सामा प्रयोग हुने खाद्य बस्तुहरुको साथै फुल सहितको स्वच्छ,स्वस्थ एवं गुणस्तरिय मासु सुलभ मुल्यमा बिक्री गरिने आयोजकले बताए ।


