सुगमनगर विकास समाजको नववर्ष २०७८ को शुभकामना आदानप्रदान कार्यक्रम सम्पन्नमिस टिन २०२१ प्रदेश १' को बिजेता बनिन् साम्राज्ञी शर्मापर्यटन व्यवसायी रामकुमार तामाङकाे "ट्रेकिङका सम्झनाहरु" विमाेचनहेर्नुस् आज २०७८ साल वैशाख ४ गते, शनिवारको राशिफलविद्यालय बन्द गर्ने कि नगर्ने ? भन्नेबारे सरोकारवालाहरु के भन्छन् ?गायक भिम श्रेष्ठको 'ओ माई लर्ड' सार्वजनिक ( भिडियो )मिस डिवाइन ब्युटी नेपाल २०२१ र मिसेस गोकर्णश्वर पेजेन्ट नेपाल २०२१ नामक फेसन प्रतियोगिता हुदै२०७८ वैशाख ३ गते, शुक्रवार हेर्नुस् आजको राशिफलएन्जल्स हार्टको विजयी सुरुआतपछिल्लो २४ घन्टामा देशभर कोरोना भाइरसका ५ सय ३४ जना संक्रमित थपिए
  • कालिका नगरपालिका भित्रका उद्योगीहरुको प्रारम्भिक भेला सम्पन्न

    न्यूजलाईन्स् मिडिया संवाददाता
    प्रकाशित मिति : २४ फाल्गुन २०७७, सोमबार १९:५८

    कालिका/कालिका नगरपालिका भित्रका उद्योगीहरुको प्रारम्भिक भेला सम्पन्न भएको छ ।
    चितवन उद्योग संघ कालिका इकाई समितिका अध्यक्ष प्रकाशचन्द्र भट्टराईको सभापतित्वमा सम्पन्न कार्यक्रममा अध्यक्ष भट्टराईले कार्यक्रमको उद्देश्य सहित स्वागत मन्तव्य राख्नुभएको थियो ।
    कार्यक्रममा चितवन उद्योग संघका अध्यक्ष राजु पौडेल, बागमती प्रदेश उद्योग परिसंघका बरिष्ठ उपाध्यक्ष एवं चितवन उद्योग संघका निवर्तमान अध्यक्ष भेषराज दुवाडी विशिष्ट अतिथि रहनुभएको थियो ।
    कार्यक्रमका बिशिष्ट अतिथि चितवन उद्योग संघका अध्यक्ष राजु पौडेलले संघले सबै पालिकाहरुको सहकार्यमा रोजगार बैंक सञ्चालन गर्ने र औद्योगिक सुचना केन्द्रको रुपमा स्थापना गर्ने अभियान स्वरुप कार्यक्रम आयोजना गरिएको बताउनुभयो ।
    त्यस्तै अर्का विशिष्ट अतिथि बागमती प्रदेश उद्योग परिसंघका बरिष्ठ उपाध्यक्ष एवं चितवन उद्योग संघका निवर्तमान अध्यक्ष भेषराज दुवाडीले चितवन उद्योग संघले अघि सारेको महत्वपूर्ण परियोजना शक्तिखोर औद्योगिक क्षेत्रको हालसम्मको अवस्थाको बारेमा जानकारी गराउँदै उद्योगीहरुलाई उत्साहित भएर उद्योगमा लाग्न उत्प्रेरित गर्नुभयो ।
    त्यस्तै कार्यक्रमका अतिथि कालिका नगरपालिका वडा नं. ४ का अध्यक्ष कृष्णकुमार श्रेष्ठले चितवन उद्योग संघले थालनी गरेको अभियानलाई नगरपालिकाको तर्फबाट पूर्ण सहयोग र साथ रहने विश्वास व्यक्त गर्नुभयो । त्यस्तै कालिका नगरपालिकाका उद्योग शाखा प्रमुख प्रकाश पौडेलले प्रश्नावली फारामबाट संकलन गरिने तथ्याङ्कबाट समग्र नगरको औद्योगिक विकासका लागि महत्वपूर्ण रहने बताउँदै उद्योग संघको अभियानको प्रशंसा गर्नुभयो ।
    चितवन उद्योग संघका उपाध्यक्ष युग राज वस्तीले उद्योगी तथ्याड्ढ प्रश्नावली प्रस्तुतिकरण गर्नुभएको प्रारम्भिक भेला कार्यक्रममा चितवन उद्योग संघका बरिष्ठ उपाध्यक्ष त्रिलोचन कँडेल, वातावरण शाखा प्रमुख बलराम लुईटेल, चितवन उद्योग संघका कार्यसमितिहरु मदन चिरञ्जीवी पोखरेल, महिला उद्यमी मञ्चकी अध्यक्ष सुधा सुवेदी पौडेल, युवा उद्यमी मञ्चका अध्यक्ष अमर घिमिरे, महिला उद्यमी मञ्चकी सदस्य दक्षिणा गैह्रे न्यौपाने, युवा उद्यमी मञ्चका सदस्य मुक्ति पोखरेल लगायतको उपस्थिति रहेको थियो ।
    प्रारम्भिक भेलाबाट महिला उद्यमी मञ्च र युवा उद्यमी मञ्चलाई पूर्णता दिइएको थियो । कल्पना आचार्यको अध्यक्षतामा ६ सदस्यीय महिला उद्यमी मञ्च कालिका घोषणा गरियो । जसको उपाध्यक्षमा गीता शाह, सचिवमा अञ्जना के.सी., कोषाध्यक्षमा बुद्धिमाया घले र सदस्यहरुमा विद्या शाही र तिल कुमारी आचार्य रहनुभएको छ । त्यस्तै युवा उद्यमी मञ्च कालिकाको अध्यक्षमा ऋषिराम लामिछाने, उपाध्यक्षमा बालकृष्ण खनाल र सदस्यहरुमा चित्रलाल खोजवार, रेजेन्द्र न्यौपाने, डम्बर बहादुर श्रेष्ठ, निरुप तामाङ र दुर्गादत्त सुवेदी रहनुभएको छ ।
    चितवन उद्योग संघका कार्यकारी निर्देशक गणेशप्रसाद सिलवालले सञ्चालन गर्नुभएको कार्यक्रमलाई चितवन उद्योग संघ, कालिका इकाई समितिका उपाध्यक्ष चन्द्रकान्त सुवेदीले धन्यवाद मन्तव्य सहित समापन गर्नुभएको थियो ।

    फेसबुक प्रतिक्रिया
    सम्बन्धित शीर्षकहरु