दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

हरिभक्तको ४५ औं वर्षगाँठमा ४३ औं कृति ‘एकमात्र’ विमोचन

न्यूजलाईन्स् मिडिया संवाददाता
प्रकाशित मिति : २०७७ फाल्गुन २६ गते, बुधबार १०:४२

काठमाडौं २६ फागुन
आध्यात्मिक चिन्तन र नेपाली साहित्यमा लामो समयदेखि कलम चलाउदै आएका हरिभक्त सिग्देल ‘महेश’को आफ्नो ४५ औं वर्षगाँठको अवसरमा आध्यात्मिक चिन्तन ‘एकमात्र’ कृति विमोचन भएको छ । ‘लोकसाहित्य भवन’मा शताब्दी पुरुष सत्यमोहन जोशीका हातबाट कृति विमोचन गरिएको हो ।

सोमवार बिहान ललितपुरमा रहेको ‘लोकसाहित्य भवन’मा शताब्दी पुरुष सत्यमोहन जोशीबाट लोकार्पण गरिएको पुस्तकको विमोचन पुनः दिउँसो ‘होटल अकामा’ धुम्बाराहीमा संयुक्त रुपमा विमोचन गरिएको हो । हिन्दु धर्मका विज्ञ डा. ऋषिराम पोखरेल, बुद्ध धर्मका विज्ञ नजरुल हुसैन, इसाई धर्मका विज्ञ डा. के.वी.रोकाया, नेपाल सरकारका सचिव एवं समालोचक गोपीनाथ मैनाली, प्रा.डा. खगेन्द्रप्रसाद लुइटेल र प्रा.डा. खेम कोइराला ‘बन्धु’ले संयुक्त रुपमा कृति विमोचन गरेका हुन् ।
हरिभक्त सिग्देल ‘महेश’ र मिना सिग्देल उप्रेतीको ४५ औं वर्षगाँठको शुभ अवसर पारी सिग्देलको ४३ औं कृतिको विमोचन भएको हो । सो अवसरमा विभिन्न विद्वानहरुले सुखद् बैवाहिक जीवनको शुभकामना व्यक्त गरेका थिए । कार्यक्रममा साहित्यकारहरु युवराज मैनाली, डा. अर्जुनदेव भट्ट, पुरुषोतम सिग्देल, दामोदर पुडासैनी ‘किशोर’, श्रीहरि फुँयाल लगायतले शुभकामना व्यक्त गरे ।

‘खड्गध्वज–गंगादेवी सिग्देल स्मृति साहित्य सारथी पुरस्कार तथा सम्मान २०७७’ को शुभारम्भ
कार्यक्रमको अवसरमा लेखक सिग्देलले बुबा–आमा खड्गध्वज–गंगादेवी का स्मृतिमा प्रत्येक वर्ष नेपाली साहित्यको श्रीवृद्धिमा योगदान दिने साहित्यिक संघ–संस्था र साहित्यकारलाई सम्मानित तथा पुरस्कृत गर्ने उद्देश्य राखी नगद पन्ध्र हजार पाँच सय पचपन्न सहित प्रत्येक वर्ष सम्मानको शुभारम्भ गरका छन् ।
सो पुरस्कारबाट पहिलो वर्ष साहित्य बाटिका नेपालका भैरवी भूगोल र बलराम दाहालको जोडीलाई सम्मान गरिएको छ ।

फेसबुक प्रतिक्रिया
सम्बन्धित शीर्षकहरु