
गजल –
“नाउँ मरेको दिन”-
चल्लाको बिचल्ली भो, “माऊ” मरेको दिन!
रमाइलो गाउँ बिरानो भो, “ठाउँ” सरेको दिन !!
अपुरो छ रहर अधुरै छ सपना अधुरै छ गन्तव्य ,
हिडाँई पनि अधुरै भो, “पाऊ” सरेको दिन !!
माया ममता पनि देखावटी हुँदोरहेछ,
आफ्नै स्वानी अछुतो भो ,”छाऊ” सरेको दिन !!
अमुल्य यो जिन्दगी किनबेच जस्तो भाको छ,
के गरेर हात- मुख जोड्नु “भाऊ” बढेको दिन !!
हरकोही दु:ख-सुख जिएकै हुन्छन् मान्छेहरु
गार्हो हुन्छ बिक्न समाजमा “नाउँ” मरेको दिन !!
रामचन्द्र तिम्सिना
(आवाज)


