पछिल्लो २४ घण्टामा देशभर ५१४७ जना कोरोना भाइरस संक्रमणबाट मुक्तनेप्से ३८.३२ अंकले बढेर दुई हजार नौ सय ८३ दशमलब ११ विन्दुमाअनलाईन एक्टिङ कम्पिटिसन,२०२१” आयोजना हुँदैएसईईका विद्यार्थीको परीक्षाफलसम्बन्धी सम्पूर्ण कार्य आगामी साउन १५ भित्र पूरा गर्नेराष्ट्रिय सौन्दर्यकर्मी युनियन नेपाल केन्द्रीय कमिटीको अनलाइन भर्चुअल माध्यमबाट केन्द्रीय बिस्तारित बैठक सम्पन्नहेर्नुस् आज २०७८ साल जेठ ३१ गते, साेमवारको राशिफलदलित विद्यार्थी संघद्धारा राहत वितरणपछिल्लो २४ घण्टामा कोरोना संक्रमणबाट ३९९४ जना संक्रमणमुक्तउपत्यकामा फेरि एक साताका लागि निषेधाज्ञाकेशव भावुकको 'म मजदुर मायाको' सार्वजनिक (भिडियो)
  • कविता – मोबाईलको घण्टी –

    न्यूजलाईन्स् मिडिया संवाददाता
    प्रकाशित मिति : ७ चैत्र २०७७, शनिबार १०:४४

    कविता –
    मोबाईलको घण्टी –

    कस्ले भन्छ परिवर्तन भएन ?
    कस्ले भन्छ जमाना फेरिएन ?
    वर्तमानमा उभिएर
    बिगतलाई नियाल्नुस त
    ख्वाँक ख्वाँक सुख्खा खोकेर
    प्रेमिल इशारा दिने जमाना गयो ।
    लामा-लामा साहित्यिक शब्दहरु भरेर
    प्रेम-पत्र पठाउने दिन पनि गयो ।
    न खाम किन्दा
    कसैले चाल पाउला कि भन्ने डर
    न प्रेमपत्र दिंदा कसैले देख्यो कि भन्ने चिन्ता।

    हेर्नुहोस त अहिलेको पिढिलाई
    नत हुलाकिको राह हेर्नू परेको छ
    नत पानी पंधेरो र गौंडो कुर्नुपरेको छ।
    मोबाईल खोल्यो फोटो पठायो
    म्यासेज गर्यो बोलायो
    आहा
    साहित्यिक फाँट गुगलमा छ
    इमोजी र ह्यान्डराइटिङ एप्स कत्ती हो कत्ती।
    त्यसैले त आजभोलिका प्रेमिप्रेमिकाहरु सबै
    साहित्यकार,
    गजलकार,
    गितकार अनि
    मुक्तककार बनेका छन् ।

    अझ रोचक त यहाँ छ
    हरेक ब्यक्ति बिषेशको अलगअलग रिंगटोन छ।
    म्यासेजको अलगअलग धुन छ।
    लेख्न मिल्ने
    मेट्न मिल्ने
    चोर्न मिल्ने
    साट्न मिल्ने कत्ती हो कत्ती सुविधा पनि
    त्यसैले त आजभोलिका नव पिंढिहरुको
    श्री सम्पत्ति नै मोबाईल बनेको छ।

    यसैले रुवाउने
    यसैले हँसाउने
    यसैले जुटाउने
    यसैले फुटाउने
    भाको पनि देखाउँछ
    न भाको पनि देखाउँछ
    अझ भनौं त
    देखाउने चिज पनि देखाउँछ
    नदेखाउने चिज पनि देखाउँछ।

    मोबाईल र इन्टेरनेट हुनुपर्छ
    दिन बितेको पत्तो हुन्न
    रात छिप्पिएको पत्तो हुन्न।
    एक्लै हाँस्ने
    एक्लै रुने
    त्यसैले त आजभोलि कसैलाई
    ग्राउन्डमा खेल्नु छैन
    चोकमा रुमल्लिनु छैन
    लखरलखर बरालिनु छैन
    जे छ यहीँ छ
    जे गर्छ यसैले गर्छ।

    रामचन्द्र तिम्सिना
    (आवाज)

    फेसबुक प्रतिक्रिया
    सम्बन्धित शीर्षकहरु