• सार्वजनिक स्थानमा हिँडडुल गर्न खोपकार्ड अनिवार्यमध्य तराईमा दिन प्रतिदिन चिसो बढ्दैआज मिति २०७८ माघ ५ गते, बुधवारको राशिफलमानव अधिकार कार्यान्वयनमा स्थानीय तह र नागरिक समाजको भुमिका सम्बन्धी दुई दिने तालिम सम्पन्नआगामी वर्ष २०७९ को चाडपर्व सहितको पात्रो तयारपछिल्लो २४ घण्टामा १० हजार २५८ जनामा कोरोना संक्रमण पुष्टिअफगानिस्तानमा गएको भूकम्पप्रति पाकिस्तानद्वारा दुःख व्यक्तसोर्हखुट्टे ट्राफिक प्रहरीद्वारा’ तपाईंको मास्क खोई’ अभियान पुनः सञ्चालननेपाली कांग्रेसलाई जनताको पार्टी बनाउछौँः सांसद आचार्यआज २०७८ माघ ४ गते, मंगलवार तपाईंको आजको दिन कस्तो छ ? हेर्नुस् राशिफल

    अमरलाल र इभानालाई स्वर्ण

    न्यूजलाईन्स् मिडिया संवाददाता
    प्रकाशित मिति : ७ चैत्र २०७७, शनिबार १७:१९

    काठमाडौं ।काठमाडौं महानगरपालिका २५ का अमरलाल मल्ल र ललितपुर महानगरपालिका १२ की इभाना थापाले भ्याली कन्स्ट्रक्सन देशव्यापी अन्तरवडा टेबलटेनिस प्रतियोगितामा शनिबार स्वर्ण जितेका छन् । अमर पुरुष तथा इभाना महिला सिंगल्समा पहिलो भए । दुवै स्पर्धामा शीर्ष १६ वरीयताका खेलाडीले खेल्न पाउने प्रावधान थिएन ।
    लैनचौरस्थित राष्ट्रिय टेबलटेनिस प्रशिक्षण केन्द्रमा भएको पुरुष फाइनलमा अमरले विराटनगर ३ का बोधित डिसीलाई ११–५, १२–१०, ११–७, ६–११, १–११ र १३–११ को सेटमा पराजित गरे । धरान २ का महावीर जैशवाल र भक्तपुर ५ का राजीव चिकन्बन्जर संयुक्त रुपमा तेश्रो भए ।
    भ्याली कन्स्ट्रक्सनको मुख्य प्रायोजनमा स्पिन इभेन्ट प्रा.लि. द्वारा आयोजित प्रतियोगिताको महिला उपाधि भिडन्तमा इभानाले सिलिचोङ गाउँपालिका ४ की वियन्का राईलाई ८–११, ११–९, ११–७, १२–१० र १२–१० को सेटमा हराइन् । काठमाडौं २ की सुभश्री श्रेष्ठ र भक्तपुर ५ की दिया देउला तेश्रो भए । पुरुष÷महिला दुवैमा शीर्ष तीन स्थान हात पर्नेले क्रमशः ३० हजार, १५ हजार र ७ हजार ५ सय नगद पुरस्कार हात पारे ।
    प्रतियोगितामा विराटनगर ३ समग्रमा टिम च्याम्पियन बन्यो । २ स्वर्ण र २ रजत जितेको विराटनगर ३ ले आकर्षक रनिङ शिल्डसहित ५० हजार नगद पुरस्कार हात पा¥यो ।
    विभिन्न ६ स्पर्धा समावेश प्रतियोगिताको पुरुष ४० वर्षमाथि भेट्रान सिंगल्समा विराटनगर ३ का राजेश भट्टराई पहिलो र विकेन थापा दोश्रो तथा काठमाडौं ३२ का नरेश रावल र बूढानीलकण्ठ १२ का कपुर शर्मा पौडेल तेश्रो स्थानमा रहे । सोही स्पर्धाको ५५ वर्षमाथि धरान १२ का राजन सुब्बाले स्वर्ण, ललितपुर १६ का प्रकाश धाक्वाले रजत तथा काठमाडौं ३१ का विनयकुमार सिंह र ललितपुर ११ का सरदमान श्रेष्ठले कांस्य जिते । दुवै उमेरसमूहका विजेताले १० हजार, उपविजेताले ५ हजार र तेश्रोले २ हजार ५ सय नगद पुरस्कार पाए ।
    पुरुष टिम इभेन्टमा विराटनगर ३ पहिलो, धरान ९ दोश्रो तथा ललितपुर १९ र धरान १२ तेश्रो बने । महिला टिममा भक्तपुर ५ पहिलो, भक्तपुर २ दोश्रो तथा काठमाडौं २ र ललितपुर १२ तेश्रो स्थानमा रहे ।
    विजेतालाई अखिल नेपाल टेबलटेनिस संघका अध्यक्ष चतुरानन्दराज वैद्यलगायतले एक कार्यक्रमबीच पुरस्कृत गरे ।

    फेसबुक प्रतिक्रिया
    सम्बन्धित शीर्षकहरु