• गजल “बिर्सेको छैन”

    न्यूजलाईन्स् मिडिया संवाददाता
    प्रकाशित मिति : १५ चैत्र २०७७, आईतवार १६:२५

    गजल
    “बिर्सेको छैन”

    शिवलाई सम्झेर बुद्ध जस्तो “बाउ” बिर्सेको छैन !
    प्रदेशमा छु तर रमाइलो “गाउँ”, बिर्सेको छैन!!

    डोर्यायो कर्मले र त लाचारी बनेको छु यहाँ!
    प्यारो लाग्छ आफ्नै जन्मघर “नाउँ” बिर्सेको छैन!!

    तिरौंला ॠण आफ्नै हातले फर्काउँला बन्दगी!
    बिहानै हल गोरु लैजाने, “साहु” बिर्सेको छैन!!

    भगवान छ भन्छन गरिबको पनि दिन आउला!
    मनको सुन्दर बस्ती बसाउने “दाउ” बिर्सेको छैन!!

    बिबसताले टाढा हुँदा म पनि खुशि कहाँ छु र हजुर!
    उडायो गरिबिले अरबमा टेक्ने “ठाउँ” बिर्सेको छैन!!

    रामचन्द्र तिम्सिना
    (आवाज)

    फेसबुक प्रतिक्रिया
    सम्बन्धित शीर्षकहरु