भिषण बर्षाको कारण उत्पन्न बाढि पिडितहरुलाई राहत सामाग्री हस्तान्तरणलायन्स क्लब काठमाडौँ समर्पण र हिन्दू स्वयम्सेवकद्धारा हेलम्बुमा राहतदूध तथा दुग्ध पदार्थ ढुवानी गर्ने गाडीमा प्रयोग हुने प्रतीक चिन्ह प्रयोग गर्न आव्हानकाठमाडौं उपत्यकामा जारी निषेधाज्ञा एक साता थपियोपछिल्लो २४ घण्टामा ३४५६ जना संक्रमणमुक्तनेप्से आज ६३ दशमलब ११ अंकको गिरावटसाताको कोरोबारको पहिलो दिन आज के छ नेपाली बजारमा सुनचाँदीको मुल्यबाढी पैह्रोका मुख्य स्रोतहरु तथा समाधानका उपायहरुउद्यमशील महिला समूहले पनि राहत बाँड्योकतारमा अघिल्लो कार्यकालको अधुरा कार्य पुरा गर्न मुक्तदाको पुनः उम्मेदवारी - मुक्तदाका प्रतिबद्धताहरुः
  • डाँडा काँहुमा भएको भीषण आगलागीबाट पीडितलाई सहयोग गर्ने प्रक्रिया अब एकद्धार प्रणालीमार्फत् हुने

    न्यूजलाईन्स् मिडिया संवाददाता
    प्रकाशित मिति : ३० चैत्र २०७७, सोमबार २०:१०

    फर्शुराम भुर्तेल,३० चैत, पर्वत । पर्वत जिल्लाको पैञ्यु गाउँपालिका ६ डाँडा काँहुमा भएको भीषण आगलागीबाट पीडितलाई सहयोग गर्ने प्रक्रिया अब एकद्धार प्रणालीमार्फत् हुने भएको छ ।

    तत्काल चाहिने खाद्यान्न र अत्यावस्यक राहत हात–हातमा परिसकेको स्थितिमा बाँकी सहयोग र राहत जुटाउन तथा वितरण गर्न स्थानीयस्तरमा ‘गाउँस्तरीय विपद् व्यवस्थापन समिति, पैञ्यु ६ डाँडाकाँहु’ निर्माण भएको छ । स्थानीय वासिन्दा समेत रहेका सो वडाका सचिव पाराश्वर सापकोटाको संयोजकत्वमा ७ सदस्यीय विपद् व्यवस्थापन समिति बने लगत्तै एकद्धार प्रणालीमा सहयोग प्रक्रिया चल्ने भएको हो ।

    वडा सचिव सापकोटाको संयोजकत्वमा बनेको सो समितिमा मुकुन्द गौतम सचिव र रेशमलाल गौतम कोषाध्यक्ष रहेका छन् भने लीलादेवी गौतम, दिपक सापकोटा, छविलाल गौतम र नम प्रसाद सापकोटा सदस्य रहेका छन् ।

    चैत २७ गते खरभीरबाट सुरु भएको सो भीषण आगलागीले ५ परिवार पूर्ण प्रभावित बनेको छ । अरु ६ वटा परिवार आंशिक प्रभावित तथा १५ वटा गोठ एवं केही चौपाया जलेर नष्ट भएका छन् । क्षतिको प्रारम्भिक अनुमान मात्र भए पनि वास्तविक लागत उतार्ने काम भैरहेकोले मानवीय सहयोग जुटाउन र न्यायोचित वितरणको प्रक्रिया मिलाउन स्थानीय विपद् व्यवस्थापन समिति सक्रिय भएको छ ।

    यस्तो छ अहिलेसम्मको सहयोग विवरण
    चैत २७ गते आगलागी हुँदा तत्कालको विपद् व्यवस्थापनका लागि पैञ्यु गाउँपालिकाबाट पुर्ण प्रभावित ५ परिवारका लागि चामल ५० केजीको दरले र नुन–चीनी २–२ किलो, तेल २ लिटर, वेसार, मसला, ओड्ने ओछ्याउने वेड ३\३ सेट, जलेको गोठको लागि १५ वटा टाट तथा प्रति परिवार १० हजारका दरले सहयोग पुगेको थियो ।

    यसैगरी ‘बोलबम समुह’ वालिङबाट चामल ६ कट्टा, १५ वटा टाट, नुन–तेल–चीनी एवं सबैभन्दा बढी प्रभावित मानिएका शेर प्रसाद गौतमलाई ७ हजार नगद दिइएको थियो । यसैगरी नेपाल रेडक्रस पर्वत शाखाले ५ वटा किचन सेट तथा ५ वटा टाटको व्यवस्था गरिदिएको छ । यसैगरी प्रदेश सरकारका मन्त्री विकास लम्साल तथा पर्वत जिल्ला प्रशासनका प्रशासकिय अधिकृत विमल प्रसाद गौतमको उपस्थितिमा ८ वटा भत्केको घरका लागि भनि १०/१० हजार नगद सहयोग एवं चिनिया टेन्ट ५ थान तथा बस्न मिल्ने त्रिपाल १२ थान सरकारका तर्फबाट हस्तान्तरण गरिएको थियो ।

    यसैगरी हाँडिखर्क युवा क्लवले ६ वोरा चामल, तेल ६ पोका तथा नुन र चीनी हस्तान्तरण गरेको छ भने पुर्णचन्द्र भुसाल (उराम) को नाममा स्थापीत पुर्णचन्द्र ट्रष्टको नाउँमा छोरा सुन्दर र कृष्ण प्रसाद भुसालले ९० हजार बराबरको खाद्यान्न सामाग्री हस्तान्तरण गरेका छन् । बढी प्रभावित शेर प्रसाद गौतमकी श्रीमतीका लागि जिविस समन्वय समिति पर्वतकी उपसभापति यामकुमारी रानाले लत्ताकपडा उपलब्ध गराएकी थिइन् ।

    यस्तो छ नगद सहयोगको विवरण
    चैत ३० गते विहानसम्मको प्राप्त विवरण अनुसार स्थानीय नेत्र प्रसाद सापकोटाको ५ सय नगद सहयोगबाट सुरु भएको थियो । साथै गंगाधर न्यौपाने २ हजार १ सय , हाडिखर्कका लाल बहादुर क्षेत्री ६ हजार, ओम बहादुर परियार २ हजार, लोक बहादुर क्षेत्री ३ हजार, तेज प्रसाद पौडेल १ हजार, कृष्ण प्रसाद श्रेष्ठ तत्काल नगद १ हजार तथा अन्य सहयोग जुट्दै, यज्ञ प्रसाद तिवारी तथा कौशिला तिवारी ५ हजार, वुद्धराज तिवारी २ हजार र निर्भिक नारायणमार्फत् मुक्ति प्रसाद भुर्तेल (हाल युएई) १० हजार सहयोग प्रदान गरिएको थियो ।

    यसैगरी अन्तराष्ट्रिय पर्वत समाजका कृष्ण प्रसाद तिवारी मार्फत् आएको सहयोग जयनारायण तिवारीबाट हस्तान्तरण भएको थियो । जसमा कृष्णप्रसाद तिवारी सरौंखोला हाल बेल्जियमको नाउँमा ५० हजार, उनका दुई विद्यार्थी छोरीहरु आस्था तिवारी र निष्ठा तिवारीका नाउँमा १० हजार उनकै भतिज विनोद तिवारीबाट ५० हजार गरी १ लाख १० हजार सहयोग हस्तान्तरण भएको थियो । यी हस्तान्तरण कार्यक्रमहरुमा गाउपालिका उपाध्यक्ष जसमति गुरुंग लगायतको उपस्थिति रहेकाे थियाे ।

    थप सहयोगको चौतर्फि प्रयास
    डाडाँकाँहु विपद् व्यवस्थापन प्रभावकारी बनाउन चौतर्फि प्रयास सुरु भएको छ । स्थानीय वडा विपद् समितिको शिफारिस सहित पालिका विपद् कोषबाट रकम विनियोजित हुने प्रक्रिया शुरुवात गरीएको छ भने वडाहरुमा मन्दिर पौवा, र अन्य अत्यावश्यक नभएका सार्वजनिक निर्माण कटौती गरी सहयोग जुट्ने अपेक्षा गरिएको छ । यस सम्बन्धमा ‘मानिसलाई टाटमुनि सुताएर विकासको हल्ला पिट्नुको अर्थ हुँदैन’ भन्ने कुरो जनप्रतिनिधिहरुले सोच्ने अपेक्षा एक समाजसेवीको थियो । वडा, पालिका वाहेक प्रदेश र संघ सरकार समेतमा पहल गरी स्थायी आवास निर्माण गर्नुपर्नेमा बहश बढेको छ ।

    यस सम्बन्धमा अन्तराष्ट्रिय पर्वत समाजका अध्यक्ष पुरन गिरी, महासचिव गुराँस पौडेल तथा सल्लाहाकार कृष्ण तिवारी, अभियन्ताहरु भीमलाल भट्टराई र मणि भुर्तेल लगायतले डाँडाकाँहु विपद्का बारेमा सो संस्थाभित्र छलफल चलाएका छन् ।

    ‘डाँडा काँहु विपद् सहयोग अभियान’ नामक नीलकण्ठ तिवारीद्धारा चलाइएको अस्थायी अभियानमा अहिलेसम्म विभिन्न देशमा रहेका पर्वतेलीहरु जोडिएर छलफल चलाइरहेका छन् । बेलायतबाट भीम प्रसाद भट्टराई, थानेश्वर काफ्ले, नेत्र आले, डेनमार्कबाट उदयराज गौतम, राजदूत युवनाथ लम्साल, जापानबाट महेन्द्र श्रेष्ठ, हिमाल भट्टराई, निरु गौडेल, किरण तिवारी, अमेरिकाबाट राजेन्द्र श्रेष्ठ र लोक बसेल लगायतले छलफल चलाइरहेका छन् ।

    विगतको विपद्मा रकम सहि प्रयोग हुन नसकेकाले सहि प्रयोग र दुरगामी स्थायीत्व हुने गरी सहयोग दिनुपर्ने धारणा अधिकांशले राखेका छन् । पत्रकारहरु छविलाल तिवारी, निर्भिक भुर्तेलको पनि स्थायी घर बनाउनेमा मत देखिएको छ भने स्थायी विपद् समितिको अपेक्षा पनि एकद्धार प्रणाली मार्फत् सहयोगको उपयोग गर्नेतर्फ देखिन्छ । स्थानीय विपद् समितिको संयोजक, सचिव र कोषाध्यक्षको संयुक्त नाममा गरिमा विकास बैंकमा ‘ गाउ स्तरीय बिपद ब्यबस्थापन समिति पैयु ६ डाडाकाहु ’ को खाता न ०१४००१००८९०६९६०००००१ मा रकम संकलन गर्ने र एकिकृत योजना बनाएर पारदर्शि हिसाव सार्वजनिक गर्ने बताइएको छ ।

    सो फेसबुक मेसेन्जर समुहको अभियानमा जापानबाट निरु गौडेलले ५० हजार, हिमाल भट्टराईले ३० हजार र महेन्द्र श्रेष्ठले १ महिनाको पारिश्रमिक दिने प्रतिवद्धता सार्वजनिक गरेको जनाइएको छ भने राजेन्द्र श्रेष्ठ अमेरीका, बिकास सेन (हाल नेपाल) लगायतले सहयोग गर्ने घोषणा गरेका छन् । पछिल्लो सक्रियताका कारण अन्तराष्टिय पर्वत समाजको सहयोग निकै प्रभावकारी हुने अपेक्षा गरीएको छ ।

    फेसबुक प्रतिक्रिया
    सम्बन्धित शीर्षकहरु