हेर्नुस् के छ आज देशभरका मौसम पूर्वानुमानआज मिति ।२०७८ साउन १९ गते, मंगलवार हेर्नुस् राशिफलफुर्के धागो २ भोलि सार्वजनिक हुँदैपछिल्लो २४ घण्टामा देशभर ३ हजार १२५ जनामा कोरोना भाइरस संक्रमण पुष्टिएमाले नेता पोखरेलको प्रश्न : केपी ओलीमुक्त नेपाल भनेको के हो ? के तपाईँहरु केपी ओलीलाई मार्न चाहानुहुन्छ वा जेल हाल्न चाहानुहुन्छ ?माधव नेपाल समूहको पोजिसन क्लियर भएपछिमात्रै हामीले पाउने मन्त्रालयको टुँगो लाग्छ : मनिष सुमनमाधव नेपाल जननेता हुनुभयो, प्रधानमन्त्री देउवाको हाईट बढेको छ : महेन्द्र यादवआज मिति २०७८ साउन १८ गते, साेमवारको राशिफलमनास्लु वल्र्ड कलेजले कक्षा ११ मा विज्ञान संकायमा भर्ना हुने ३० जना विद्यार्थीलाई छात्रवृत्ति दिनेपछिल्लो २४ घण्टामा थप २,५६८ जनामा कोरोना भाइरस संक्रमण पुष्टि
  • पेस्डान ब्याडमिन्टनमा विद्युत च्याम्पियन

    न्यूजलाईन्स् मिडिया संवाददाता
    प्रकाशित मिति : १३ बैशाख २०७८, सोमबार १८:००

    काठमाडौं, बैशाख १३ गते ।
    नेपाल विद्युत प्राधिकरण बाह्रौं सार्वजनिक संस्थान राष्ट्रिय खेलकुद प्रतियोगिताअन्तर्गत ब्याडमिन्टनमा सोमबार च्याम्पियन बनेको छ । विद्युत ४ स्वर्ण, ३ रजत र २ कांस्यसाथ समग्रमा टिम च्याम्पियन बन्यो ।
    सार्वजनिक संस्थान खेलकुद विकास संघ, नेपाल (पेस्डान) द्वारा आयोजित प्रतियोगितामा मुक्तिनाथ विकास बैंक १ स्वर्णसाथ दोश्रो भयो । १ रजत र १ कांस्य जितेको जनक शिक्षा सामग्री केन्द्र लिमिटेड तेश्रो स्थानमा रह्यो । प्रतियोगितामा ६ स्पर्धा समावेश गरिएपनि आयोजक पेस्डानको आन्तरिक प्रतिस्पर्धाको पदक संख्या गणना गरिएको छैन ।
    अन्तिम दिन ६ वटै स्पर्धाका फाइनल सम्पन्न भए । पुरुष सिंगल्समा विद्युतका टेकबहादुर बुढा पहिलो भए । फाइनलमा उनले जनक शिक्षाका रामविनय श्रेष्ठलाई २१–१४ र २१–१२ को सोझो सेटमा पराजित गरे । महिला सिंगल्सको उपाधि विद्युतकी यमकुमारी गुरुङले चुमिन् । फाइनलमा यमले काठमाडौं उपत्यका खानेपानी लिमिटेडकी प्रतिज्ञा थापालाई २१–१२ र २१–७ को सीधा सेटमा हराइन् ।
    त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा भएको प्रतियोगिताको पुरुष डबल्समा मुक्तिनाथका थानेश्वर अर्याल र प्रेम थापाको जोडीले फाइनलमा विद्युतका राजु महर्जन र लोकेन्द्रबहादुर साउदको जोडीलाई सोझो सेटमा २१–१२ र २१–१८ ले पाखा लगाउदै स्वर्ण हात पारे । सोही स्पर्धाको महिला फाइनलमा विद्युतका यमकुमारी गुरुङ र सानुमाया ठकुरीको जोडीले विद्युतकै दावा लामा र अन्जना रोक्काको जोडीलाई २१–१८ र २१–६ ले पन्छ्याउदै पहिलो भए ।
    भेट्रान ४५ वर्षमाथि पुरुष सिंगल्समा विद्युतका श्रीप्रसाद धिमाल र राजु महर्जनको जोडीले विद्युतकै उमेशकुमार भण्डारी र विष्णु मास्केको जोडीमाथि २१–१४ र २१–१९ को जित दर्ता गर्दै शीर्ष स्थान हात पारे । पेस्डान पुरुष डबल्समा प्रदीपमान बासी र प्रशान्तबहादुर श्रेष्ठको जोडी पहिलो तथा राजु रानाभाट र रमेश कुँवरको जोडी दोश्रो भए । राजेश महत र रामबहादुर कुँवरको जोडीले तेश्रो स्थानमा चित्त बुझाए ।
    विजेतालाई राखेपका सदस्य–सचिव रमेशकुमार सिलवाल, पेस्डानका अध्यक्ष कुलबहादुर आचार्यलगायतले एक कार्यक्रमबीच पुरस्कृत गरे । दुईदिने प्रतियोगितामा १२ संस्थाका ७० खेलाडीले प्रतिस्पर्धा गरेका थिए । पेस्डानको स्पर्धा बाहेक सबैमा नगद पुरस्कार राखिएको थियो । कुल १ लाख २२ हजार नगद पुरस्कार वितरण गरिएको पेस्डानका महासचिव रामविनय श्रेष्ठले जनाएका छन् ।

    फेसबुक प्रतिक्रिया
    सम्बन्धित शीर्षकहरु