• ओम साइबाबा अस्पतालमा कोरोनाका १० जना विरामीलाई निःशुल्क सेवा

    न्यूजलाईन्स् मिडिया संवाददाता
    प्रकाशित मिति : ७ जेष्ठ २०७८, शुक्रबार १९:०४

    काठमाडौं । काठमाडौंको ढुंगेधारामा रहेको ओम साइ बाबा मेमोरियल अस्पताल प्रालिले कोरोना संक्रमित १० जनालाई निःशुल्क सेवा दिने भएको छ ।
    अस्पतालका सञ्चालक दयाराम कार्कीले १० जनालाई निःशुल्क सेवा दिने बताए । उनका अनुसार आशिका फाउण्डेशनले बेडसहित उपकरण र अन्य सुविधा उपलव्ध गराएको छ । अस्पतालले चिकित्सकसहितको विशेषज्ञ सेवा प्रदान गर्ने कार्कीले जनाए । अहिलेसम्म ३ जनाले निःशुल्क सेवा लिइरहेको उनको भनाई छ । यो अस्पतालमा कोरोनाका अन्य विरामी पनि उपचार गर्दै आइरहेका छन् । कार्कीले अन्य अस्पतालको तुलनामा आफ्नो अस्पतालमा सस्तो र गुणस्तरीय सेवा दिएको स्पष्ट पारेका छन् ।
    आशिका फाउण्डेशनकी अध्यक्ष आशिका तामाङ जर्मनमा रहेकी छिन् । उनी धादिङकी हुन् । नेपालमा कोरोना संक्रमण बढ्दै गरेकाले आफ्नो तर्फबाट थोरै भए पनि योगदान गरिएको उनको भनाई छ । फाउण्डेशनका उपाध्यक्षमा तनहुँका सन्जिव वस्नेत रहेका छन् । बस्नेतको नै प्रमुख तत्परतामा अस्पतालले नयाँ र विशेष प्रकारको सेवा सुरु गरिएको कार्कीले जनाए । फाउण्डेशनले आवश्यकता अनुसार अन्य बेड पनि थप्ने जनाएको छ ।

    फेसबुक प्रतिक्रिया
    सम्बन्धित शीर्षकहरु