१८ जेठ, काठमाडौं । पछिल्लो २४ घण्टामा ६०८५ जना नयाँ संक्रमित थपिएका छन् । पछिल्लो २४ घण्टामा गरिएको १७,१४७ पिसीआर र ३०१८ ऐन्टिजेन गरी २०१६५ नमुना परीक्षणमा ६०८५ जना संक्रमित थपिएका हुन् । आज संक्रमित भएको यो संख्या आइतबारको तुलनामा झण्डै २ हजारले बढी हो ।
आज भक्तपुरमा २१५, ललितपुरमा २८३ र काठमाडौंमा १०६० जना गरी उपत्यकामा जम्मा १५५८ जनामा संक्रमण पुष्टि भएको छ । आइतबारको तुलनामा उपत्यकामा संक्रमित हुनेको संख्यामा पनि केही वृद्दि भएको छ । आज थपिएका ६०८५ जनासँगै नेपालमा हालसम्म संक्रमित हुनेको संख्या ५ लाख ६६ हजार ५८७ पुगेको छ ।
पछिल्लो २४ घण्टामा देशैभरी ६८९८ जना कोरोना संक्रमणबाट मुक्त भएका छन् । आज निको भएका ६८९८ जनासँगैै नेपालमा कोरोना संक्रमणबाट मुक्त हुनेको संख्या ४ लाख ५४ हजार ३४४ पुगेको छ । हालसम्म मुक्त हुनेको यो दर ८०.२ प्रतिशत रहेको मन्त्रालयले जनाएको छ ।
त्यसैगरी पछिल्लो २४ घण्टामा ६८ जना कोरोना संक्रमितको मृत्यु भएको छ । आइतबारको तुलनामा मृत्यु हुनेको यो संख्या ४६ जनाले कमी हो । आज मृत्यु भएका ६८ जनासँगै नेपालमा हालसम्म ज्यान गुमाउनेको संख्या ७४५४ पुगेको छ ।
त्यसैगरी हाल देशैभरी १ लाख ४ हजार ७८९ जना सक्रिय सक्रमित रहेका छन् । ती मध्ये देशैभरीका संस्थागत आइसोलेशनमा ७०८५ जना र होम आइसोलेशनमा ९७ हजार ७०४ जना रहेका छन् । आइसोलेशनमा बस्नेको संख्या पनि दिनहुँ घट्दै गइरहेको छ ।
मन्त्रालयका अनुसार हाल देशैभरीका विभिन्न अस्पतालका आइसीयुमा १४९१ जना र भेन्टिलेटरमा ४०४ जना उपचाररत छन् । साथै क्वारेन्टिनमा रहनेको संख्या ७२५ रहेको छ ।
नेपालमा हालसम्म पिसीआर प्रविधिबाट ३० लाख ७४ हजार ५७१ वटा नमुना परीक्षण गरिएको छ ।
२०८१ मंसिर २६ - बुधबार
