
काठमाडौं ।सिद्धार्थ बनस्थली ईन्ष्टिच्युट २०४७ को एस.एल.सी व्याचमा पांच सय भन्दा बढि बिधार्थी रहेकोमा हाल देश विदेशमा रहेका करीब १५० जना विधार्थीहरु सामाजिक संजाल मार्फत भाईबर गु्रपमा आबद्ध भएका छन । उक्त समूहले सामाजिक कार्यमा योगदान गर्नु पर्दछ भनी उद्देश्य पनि लिएको र सो कार्यको लागि बजेटको आवश्यकता पर्ने हुंदा सोको व्यवस्थापनमा सोहि समूहका बिधार्थीहरुले स्वःस्पुर्तिका साथ रकम संकलन भईरहेको अवस्था छ ।
यस समूहले आफ्नो सामाजिक कार्यको शुरुवात कर्णाली प्रदेशको राजधानी विरेन्द्रनगर, सुर्खेतवाट गरेकोछ । यस समूहले एक समारोहका वीच कर्णाली प्रादेशिक अस्पताल, सुर्खेतलाई १० थान अक्सिजन फ्लोमिटर, १५०० थान सर्जिकल मास्क, १५०० थान सर्जिकल ग्लोब्स, १०० थान सेनिटाईजर अस्पतालका निर्देशक प्रा.डा.श्री डम्बर खड्कालाई हस्तान्तरण गरिएको छ । यसका साथै सोहि अस्पतालमा उपचार गराईरहेका कोरोना संक्रमितका साथै आईसोलेशन केन्द्रमा बसेका विरामीका कुरुवालाई आजदेखि नियमित भोजन खुवाउने कार्यको पनि शुभारम्भ गरिएकोछ । यो अभियान अन्तर्गत एक महिनासम्म विरामीका कुरुवालाई दैनिक विहान खाना खुवाउने कार्यतालिका रहेकोछ । साथै, कोरोना संक्रमितका कुरुवालाई सेनिटाईजर, मास्क,र ग्लोब्स समेत वितरण गरिएको छ ।
यस सामाजिक कार्यको सहजीकरण श्री नयां सबुज गण सर्खेतका प्रमुख सेनानी केशवराज रायमाझी र नेपाली सेनानका पश्चिम एयरवेशमा कार्यरत पाईलट महासेनानी किरण थापाले गर्नु भएको थियो । उहांहरु दुवै जना सिद्धार्थ बनस्थली २०४७ एस.एल.सी व्याच समूहको हुनु हुन्छ ।
सिद्धार्थ बनस्थली २०४७ को व्याच समूहमा देश र विदेशका विभिन्न क्षेत्रमा कार्यरत उनीहरुले आर्थिक संकलन गरेर सातै प्रदेशमा सामाजिक कार्यक्रमलाई निरन्तरता दिन लागिएको गणका प्रमुख सेनानी रायमाझीले जानकारी दिए ।


