दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

नुवाकाेटमा २० लाख लागतमा डम्फुपार्क निर्माण

न्यूजलाईन्स् मिडिया संवाददाता
प्रकाशित मिति : २०७८ जेष्ठ २१ गते, शुक्रबार १३:३७

काठमाडौं । दुप्चेश्वर गाउँपालिका वडा नं. ४ बेतिनीमा डम्फुपार्क निर्माण गरिएको छ ।

गाउँपालिकाको आर्थिक लगानीमा निर्माण गरिएको उक्त पार्कमा डम्फु र कुदाप अर्थात चुल्हो निर्माण गरिएको छ । ग्लान समुदायको उद्गम स्थलको रुपमा परिचित उक्त स्थानको ऐतिहासिक पहिचानलाई जोगाउनुको साथै पर्यटन प्रबर्द्धनको लागि पार्क निर्माण गरिएको गाउँपालिकाका अध्यक्ष योविन्द्रसिंह तामाङले बताए ।

उक्त स्थानबाट बसाई सरेर सिन्धुपाल्चोक, काभ्रेपलान्चोक, दोलखा, रामेछाप लगायतको जिल्लामा पुगेपनि विशेष पर्व तथा उत्सव मनाउन कुतबक्यापामा संयुक्त रुपमा खाना पकाएर खाने गरिन्थ्यो भन्ने इतिहास रहेको छ । उक्त इतिहासको जगेर्नाको लागि चुल्हो निर्माण गरिएको गाउँपालिकाका अध्यक्ष तामाङले बताए । तामाङ समुदायको साँस्कृतिक बाजाको रुपमा रहेको डम्फुको संरक्षण तथा पहिचान दिलाउन पार्कमा डम्फु निर्माण गरी नामाकरण नै डम्फुपार्क राखिएको अध्यक्ष तामाङले बताए ।

गत आर्थिक वर्षदेखि निर्माण सुरु गरिएको उक्त पार्क सम्पन्न गर्न २० लाख रुपैयाँ खर्च भएको छ । उक्त स्थानमा ग्लानहरुको ऐतिहासिक स्थल रहेकोले बुद्धको मूर्ति स्थापनाको लागि गाउँपालिकाको तयारी छ । पार्कमा यसै आर्थिक वर्षमा ७० मिटर लम्बाई र ४० मिटर चौडाई रहेको पोखरी सहितको बालउद्यान निर्माण गरिने गर्न लागेको अध्यक्ष तामङले बताए ।

पार्क निर्माणको चरणमै १५ हजार भन्दा बढिले पार्कको अवलोकन तथा भ्रमण गरिसकेका छन् । हाल निर्माण अहिले पनि पार्कको भ्रमणका लागि दैनिक एक सय ५० को हाराहारीमा आन्तरिक पर्यटकहरु आउने गरेका छन् ।

फेसबुक प्रतिक्रिया
सम्बन्धित शीर्षकहरु