दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मेलम्चीमा आएको भिषण बाढी र पहिरोले आसपासका बस्तिहरु डुबानमा

न्यूजलाईन्स् मिडिया संवाददाता
प्रकाशित मिति : २०७८ असार २ गते, बुधबार ८:०७

काठमाडौ । मंगलबार मेलम्चीमा आएको भिषण बाढी र पहिरोले आसपासका बस्तिहरु बगाएको छ । रातिको समयमा आएको भिषण बाढी र पहिरोले विद्यूत सेवा अवरुद्ध भएकाले क्षतिको विवरण यकीन हुन सकेको छैन । मंगलबार बेलुका साढे ६ बजे मेलम्ची खानेपानीको मुहानभन्दा ९ किलोमिटरमाथि हेलम्बु १ स्थित नाकोटे भन्ने ठाउँमा पहिरो गएको थियो ।
बाढी र पहिरोले हेलम्बुको तिम्बु बजार सिंगै बगाएको छ । यसैगरी चनौते भन्ने बजार पनि डुबानमा परेको छ ।जिल्ला प्रहरी कार्यालयका डीएसपी प्रकाश सापकोटाका अनुसार कम्तिमा ७ जना स्थानीवासी वेपत्ता भएका छन् ।मेलम्ची आयोजनाको सुरक्षार्थ रहेको सशस्त्र प्रहरी र चिनीयाको क्याम्प पनि डुबानमा परेका छन् । इलाका प्रहरी कार्यालय हेलम्बुमा पनि पानी पसेको छ ।नदी छेउछाउमा रहेका टहरा र घरहरु सबै बगाएको र मानिसहरु भागदौड गर्दै सुरक्षित स्थानमा गएका छन्। कही पक्की पुलहरु पनि बाढीले बगाएको छ ।
उज्यालो नभइकन केही गर्ने अवस्था नरहेको डीएसपी सापकोटाले जानकारी दिएका छन् ।परीक्षणक्रममा रहेको मेलम्ची आयोजनाको सुरुङको पानी आजै खोलामा छोडिएको थियो । पहिरोले मेलम्चीको आयोजनाको सुरुङमा क्षति पुगे-नपुगेको पनि एकिन भएको छैन ।रातिको समय र बाढी प्रभावित क्षेत्रमा विद्युत सेवा पनि अवरुद्ध भएकाले उद्दार कार्य सम्भव भएको छैन ।

फेसबुक प्रतिक्रिया
सम्बन्धित शीर्षकहरु