दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

सामाजिक सञ्जालमा नकारात्मक सूचना आएकोमा सिम्फोनी पब्लीकेसनको ध्यानाकर्षण

न्यूजलाईन्स् मिडिया संवाददाता
प्रकाशित मिति : २०७८ असार १२ गते, शनिबार ११:४०

काठमाडौँ, १२ असार । सिम्फोनी पब्लिकेसन प्रालिले सामाजिक सञ्जालमा नकारात्मक सूचना सम्प्रेषण भएकोमा गम्भीर ध्यानाकर्षण भएको जनाएको छ ।
पब्लिकेसनका व्यवस्थापक महेश पाण्डेले शुक्रबार एक विज्ञप्ती जारी गरी विगत केही दिनदेखि सिम्फोनी पब्लिकेसन प्रालिको नाम प्रकाशित गरी विभिन्न सामाजिक सञ्जालमा आएका नकारात्मक सूचनाप्रति ध्यानाकर्षण भएको बताउनुभएको हो ।

विस २०७१ सालदेखि निरन्तर सञ्चालनमा आएको पब्लिकेसनलाई निजी स्वार्थका लागि बदनाम गर्ने उद्देश्यले सामाजिक सञ्जालमा भ्रामक टिकाटिप्पणी आएको सो पब्लीकेसनले जनाएको छ । विश्वका विभिन्न मुलुकसहित नेपालमा पनि नयाँ भेरियन्टसहित पहिलो र दोस्रो चरणको कोरोना सङ्क्रमणबाट नेपालको शिक्षा क्षेत्रमा ठूलो चुनौती देखा परेको वर्तमान अवस्थामा पब्लिकेसन क्षेत्रमा समेत चुनौती परेको अवस्थामा भ्रामक सूचना सम्प्रेषण हुनु दुखद भएको बताइएको छ ।

“कोरोना महामारीकै कारण पुस्तक प्रकाशनमा केही ढिलाइ भइरहेको वर्तमान अवस्थामा केही पुस्तक पसल र विद्यालयले सिम्फोनी प्रकाशनबाट छापिएका पुरानै किताबहरु प्रयोगमा ल्याएको खबरले हामीलाई दुःखित बनाएको छ,”– पब्लीकेसनद्धारा जारी विज्ञप्तीमा भनिएको छ ।

उक्त प्रकाशनले आफ्नो पब्लीकेशनबाट प्रकाशित पुराना पुस्तकहरु विक्रि वितरण र प्रयोग आगामी दिनमा नगर्न÷नगराउन सम्पूर्ण पुस्तक पसल तथा विद्यालयलाई यसअघि नै आग्रह गरिसकेको र बाँकी भएका पुस्तक फिर्ता पठाउन सूचना पठाइसकिएको बताएको छ । कसैसित त्यस्ता पुस्तक भएमा सिम्फोनी पब्लिकेसनमा फिर्ता पठाइदिनहुन सबैलाई आग्रह समेत गरेको छ ।

सो पब्लिकेशनले पूर्व प्रकाशित पुस्तक कसैले पढ्न चाहेमा सिम्फोनी पब्लिकेसनले विद्यार्थी तथा शिक्षकको सहजताका लागि ‘डब्लुडब्लुडब्लु डट द क्रियशन डिजाइन डट कम डट एनपी’मा पुस्तकसमेत निशुल्क डाउनलोड गरेर हेर्न र पढ्नसक्ने व्यवस्थासमेत मिलाएको छ ।

सो पब्लिकेसनले आफ्नो प्रकाशनको आधिकारिकता नबुझी हल्लाको भरमा सामाजिक सञ्जालमा भ्रामक सूचना प्रकाशन नगर्न समेत सबैलाई अनुरोध गरेको छ ।

फेसबुक प्रतिक्रिया
सम्बन्धित शीर्षकहरु