दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

छानविन समितिलाई यस्तो आरोप लगाए काठमाडौं ७ का क्षेत्रीय सभापति मुकुन्द रिजालले

न्यूजलाईन्स् मिडिया संवाददाता
प्रकाशित मिति : २०७८ असार २० गते, आईतवार १०:०९

काठमाडौं । नेपाली कांग्रेसको महाधिवेशन भदौ १६ देखि काठमाडौमा हुँदैछ । महाधिवेशनको मुखमा केही विवाद देखिएका छन् । क्रियाशील सदस्यताको विवादले कांग्रेस अप्ठेरोमा परेको छ ।
क्रियाशील सदस्यता छानबिन गर्न पार्टीले केन्द्रीय सदस्य रमेश लेखकको संयोजकत्वमा बनाएको समितिलाई आजसम्म नामावली टुङ्ग्याउने जिम्मा दिइएको छ । काठमाडौका पनि धेरैजसो क्षेत्रमा विवाद देखिएको छ । विवाद हुनुमा एकले अर्कालाई आरोप लगाउँदै आएका छन् । क्षेत्र नम्वर ७ का सभापति मुकुन्द रिजालले छानविन समितिमाथि नै प्रश्न उठाए । ‘छानविन समिति राजाको पालाको जस्तो हुकुमी शैलीले अघि बढेको छ यसमा मेरो आपत्ति छ, पार्टीको विधान, नियमावली र परिपत्रलाई मिच्ने अधिकार उसलाई छैन’ रिजालले भने ‘ हामीले इन्ट्री गरेको नाम नै वैध हो, मुहार हेरेर क्रियाशीलताको टुंगो लगाउने काम हुँदैछ, यो गलत छ ।’ उनले नयाँ र पुरानो गरी ३ हजार क्रियाशील सदस्य रहेको बताए ।
उनले गुटको आधारमा क्रियाशीलता दिन खोज्नुले पार्टीलाई संकटमा पारेको भन्दै आपत्ति जनाए । उनले आफूले केन्द्रमा नाम पठाउँदा कसैलाई पनि भेदभाव नगरेको र मापदण्ड पुगेकालाई सिफारिस गरेको स्पष्ट पारे ।

फेसबुक प्रतिक्रिया
सम्बन्धित शीर्षकहरु