४ साउन, काठमाडौं । नेपालमा आज २,४४५ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ७,८३३ पिसीआर र ३८३१ ऐन्टिजेन गरी ११,६६४ वटा नमुना परीक्षणमा २,४४५ जना संक्रमित थपिएका हुन् ।
त्यस्तै पछिल्लो २४ घण्टामा भक्तपुरमा ८८, ललितपुरमा ५६ जना र काठमाडौंमा ३३० जना गरी उपत्यकामा आज ४७४जना संक्रमित थपिएका छन् । आइतवारकोे तुलनामा उपत्यकामा संक्रमित हुनेको संख्या केही बढेको देखिन्छ ।
नेपालमा हालसम्म ३४ लाख ७७ हजार ५१८ पिसीआर र ऐन्टिजेन विधिबाट गरिएको २ लाख ६६ हजार ६६२ विधिबाट गरिएको ३७ लाख ४४ हजार १८० नमुना परीक्षणमा हालसम्म ७ लाख १८ हजार ६६४ जना संक्रमित भएका छन् ।
त्यसैगरी पछिल्लो २४ घण्टामा देशैभरी १२५८ जना कोरोना संक्रमणबाट मुक्त भएका छन् । आज निको भएका १२५८ जनासँगैै नेपालमा कोरोना संक्रमणबाट मुक्त हुनेको संख्या ६ लाख ३३ हजार ३३२ जना निको भइसकेका छन् ।
त्यस्तै पछिल्लो २४ घण्टामा ३२ जना कोरोना संक्रमितको मृत्यु भएको छ । आज थपिएका ३२ जनासँगै नेपालमा हालसम्म ज्यान गुमाउनेको संख्या ९,५८२ पुगेको मन्त्रालयद्धारा जारी विवरणमा उल्लेख छ ।
मन्त्रालयका अनुसार नेपालमा हाल २५ हजार ४८५ जना संक्रिय संक्रमित रहेका छन् । तीमध्ये होम आइसोलेशनमा २२ हजार ८३४ र संस्थागत आइसोलेशनमा २,५८३७ जना रहेका छन् ।
त्यस्तै देशैभरीका विभिन्न अस्पतालका आइसीयुमा ५६४ र भेन्टिलेटरमा १५५ जनाको उपचार भइरहेको छ । आइतवारको तुलनामा भेन्टिलेटरमा उपचार गराउनेको संख्या केही घटेको छ ।
२०८१ मंसिर २४ - सोमबार
