• नेप्से परिसूचक आज दोहोरो अङ्कले ओरालोपछिल्लो २४ घण्टामा ९३४ जनामा कोरोना संक्रमणबैंक अफ काठमाण्डू लिमिटेडको रिकरिङ्ग र रिभर्स रिकरिङ्ग खाता सार्वजनिकटिएमएस मार्फत खरिद गरिएको सेयर रकम अबदेखि इसेवा मार्फत भुक्तानी गर्न सकिनेदिपेन्द्र सोनाम भए द फ्लीक मोडलको बिजेताप्रिती र राजेशको नयाँ तिज गित 'भेलु बाजे डान्स' सार्बजनिक(भिडियो सहित)मन्त्री श्रेष्ठ स्वयम्भु भगवानको दर्शन गरी स्वयम्भू महाचैत्यको परिक्रमानेपाली जनसम्पर्क समिति साइप्रसको दोस्रो महाधिवेशन भब्यता को साथ सम्पन्न ,सभापतिमा पुष्पा मिश्र सर्वसम्मत चयन ।हेर्नुहोस् आज मिति २०७९ साउन २३ गते, साेमवारको राशिफलपर्यटनमन्त्री श्रेष्ठद्वारा त्रिभुवन अन्तर्राष्ट्रिय विमानस्थलको अनुगमन

    लायन्स क्लब अफ काठमाडौँ समर्पणको आयोजनामा न्यूरोडमा रक्तदान

    न्यूजलाईन्स् मिडिया संवाददाता
    प्रकाशित मिति : ९ श्रावण २०७८, शनिबार २०:३७

    काठमाडौँ, ९ साउन । बढ्दो कोरोना सङ्क्रमणका कारण देशभर रगत अभाव भइरहेका बेला रक्तदान कार्यक्रम आयोजना गरिएको छ ।

    लायन्स क्लब अफ काठमाडौँ समर्पणको आयोजनामा आज न्यूरोडमा रक्तदान कार्यक्रम आयोजना गरिएको हो । सो अवसरमा ६० भन्दा बढी व्यक्तिले रक्तदान गरेको क्लवका अध्यक्ष लबेन्द्रसिंह मल्लले जानकारी दिनुभयो ।

    पछिल्लो समय काठमाडौँ उपत्यकालगायत देशभर रगत अभाव भइरहेका बेला नेपाल रेडक्रस सोसाइटीले रक्तदान गर्न आम नागरिकलाई आह्वानसमेत गरेको छ । क्लवका सदस्य विवेक शर्माले रगतको अभावबाट कोही व्यक्तिले पनि मृत्युवरण गर्न नपरोस् भनेर रक्तदान कार्यक्रमको आयोजना गरिएको राससलाई जानकारी दिनुभयो ।

    लायन्स क्बल अफ काठमाडौँ समर्पणले गतवर्ष कोरोना कहरको समयमा सानेपामा ‘अक्सिजन बैँक’ स्थापना गरेर समाजसेवा गर्दै आएको थियो । २०० सिलिण्डरसहित ‘अक्सिजन बैँक’ स्थापना गरेको क्लवले अक्सिजनको कमीले श्वासप्रश्वासमा समस्या परेका गरिब व्यक्तिलाई निःशुल्क अक्सिजन सिलिण्डर सहयोग गरेको थियो ।

    यस्तै, सोही क्लबले यो वर्ष विश्वका विभिन्न मुलुकसहित नेपालमा पनि नयाँ भेरियन्टसहितको दोस्रो चरणको कोरोना सङ्क्रमण देखिएको अवस्थामा ललितपुरको जावलाखेलमा ‘जे एण्ड जे निशुल्क कोभिड क्लिनिक’ स्थापना गरि समाजसेवा गर्दै आएको थियो भने चावहिलमा अक्सिजनसहितको कोभिड अस्पताल सञ्चालन गरेको थियो ।

    कार्यक्रममा महानगरीय प्रहरी कार्यालय रानीपोखरीका प्रहरी नायव महानिरीक्षक (डिआईजी) उत्तमराज सुवेदी, नेकपा एमालेका केन्द्रीय कार्यकारणी सदस्य रविन्द्रमान श्रेष्ठ, न्यूरोड पाको युवा क्लबका अध्यक्ष प्रविनमान श्रेष्ठलगायतको सहभागीता रहेको थियो ।

    फेसबुक प्रतिक्रिया
    सम्बन्धित शीर्षकहरु