• पछिल्लो घण्टामा देशैभरी ३,३६५ जना कोरोनाका नयाँ संक्रमित थपिए

    न्यूजलाईन्स् मिडिया संवाददाता
    प्रकाशित मिति : १४ श्रावण २०७८, बिहीबार १८:३८

    १४ साउन, काठमाडौं । नेपालमा आज ३,३६५ जना कोरोनाका नयाँ संक्रमित थपिएका छन् ।

    स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ९,५५५ पिसीआर र ४,६८७ ऐन्टिजेन गरी १४,२४२ वटा नमुना परीक्षणमा ३,३६५ जना संक्रमित थपिएका हुन् ।

    काठमाडौंमा ५९७,ललितपुरमा १५५ र भक्तपुरमा १०८ गरी उपत्यकामा आज उपत्यकामा ८६० नयाँ संक्रमित थपिएका छन् ।

    नेपालमा हालसम्म ३५ लाख ८४ हजार ४१९ पिसीआर र ऐन्टिजेन विधिबाट गरिएको ३ लाख ९ हजार २३३ गरी ३८ लाख ९३ हजार ६५२ नमुना परीक्षणमा हालसम्म ७ लाख ५० हजार २२ जना संक्रमित भएको मन्त्रालयले जनाएको छ ।

    त्यसैगरी पछिल्लो घण्टामा देशैभरी १,३७३ जना कोरोना संक्रमणबाट मुक्त भएका छन् । आज निको भएका १३७३ जनासँगैै नेपालमा कोरोना संक्रमणबाट मुक्त हुनेको संख्या ६ लाख ५० हजार ४४५ रहेको छ ।

    त्यस्तै पछिल्लो २४ घण्टामा १६ जना कोरोना संक्रमितको मृत्यु भएको छ । आज थपिएका १६ जनासँगै नेपालमा हालसम्म ज्यान गुमाउनेको संख्या ९,८०७ पुगेको मन्त्रालयद्धारा जारी विवरणमा उल्लेख छ ।

    नेपालमा हालसम्म ३० हजार ३९० जना संक्रिय संक्रमित रहेको मन्त्रालयले जनाएको छ । ती मध्ये २७ हजार ३५५ जना होम आइसोलेशन र ३०३५ जना संस्थागत आइसोलेशनमा रहेका छन् ।

    त्यस्तै हाल देशैभरीका विभिन्न अस्पतालमा ६३६ जना आइसीयु र १६० जना भेन्टिलेटरमा रहेका छन्

    फेसबुक प्रतिक्रिया
    सम्बन्धित शीर्षकहरु