दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

पछिल्लो २४ घण्टामा देशभर ३ हजार ९३८ जना कोरोना संक्रमित थपिए

न्यूजलाईन्स् मिडिया संवाददाता
प्रकाशित मिति : २०७८ श्रावण २१ गते, बिहीबार १७:०१

२१ साउन, काठमाडौं । पछिल्लो २४ घण्टामा देशभर ३ हजार ९३८ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार बिहीवार गरिएको पिसीआर र एन्टिजेन विधिबाट १८ हजार ४०८ नमुना परीक्षण गर्दा ३ हजार ९३८ जनामा कोरोनाभाइरस संक्रमण पुष्टि भएको हो । बुधवारको तुलनामा संक्रमित हुनेको संख्या आज केही घटेको हो ।

आज काठमाडौंमा ७६६, ललितपुरमा १६३ र भक्तपुरमा १४६ जना गरी उपत्यकामा आज १०७५ जना नयाँ संक्रमित थपिएका छन् । बुधवारको तुलनामा आज उपत्यकामा संक्रमित हुनेको संख्या झण्डै ३ सयले कमी हो ।

यस्तै पछिल्लो २४ घण्टामा कोरोना संक्रमणबाट ३७ जनाको मृत्यु भएको छ । आज थपिएका ३७ जनासँगै नेपालमा कोरोना संक्रमणबाट मृत्यु हुनेको संख्या ९ हजार ९९४ पुगेको छ ।

स्वास्थ्य मन्त्रालयका अनुसार पछिल्लो २४ घण्टामा २ हजार १२ जना कोरोनाबाट मुक्त भएका छन् । योसँगै नेपालमा कोरोना संक्रमणबाट निको हुनेको संख्या ६ लाख ६३ हजार ६६३ पुगेको छ ।

त्यस्तै देशभर सक्रिय संक्रमितको संख्या ३४ हजार ४२२ रहेको स्वास्थ्य मन्त्रालयले जनाएको छ । ती मध्ये ३१ हजार १०८ जना होम आइसोलेशनमा र ३ हजार ३१४ जना संस्थागत आइसोलेशनमा उपचारत रहेका छन् ।

मन्त्रालयका अनुसार हाल देशैभरीका आइसीयुमा ७१३ जना र भेन्टिलेटरमा १५८ जनाको उपचार भइरहेको छ ।

त्यसैगरी मंगलवार देशैभरी ३४ हजार ४२२ जनाले कोरोना भाइरस विरुद्धको खोप लगाएको पनि मन्त्रालयले जानकारी दिएको छ ।

नेपालमा हालसम्म दुवै विधिबाट गरिएको कूल ३९ लाख ९९ हजार ७९९ नमुना परीक्षणमा हालसम्म संक्रमित हुनेको संख्या ७ लाख ७३ हजार ८६० पुगेको छ ।

फेसबुक प्रतिक्रिया
सम्बन्धित शीर्षकहरु