दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

एनआरएनए अधिवेशनमा टीम- कुल आचार्यको समावेशी समूहबाट को–को आउँदैछन् पदाधिकारीमा ?

न्यूजलाईन्स् मिडिया संवाददाता
प्रकाशित मिति : २०७८ श्रावण २९ गते, शुक्रबार १९:०९

काठमाडौं । गैरआवासीय नेपाली संघ अन्तर्रास्ट्रिय समन्वय परिषद एनआरएनए आईसिसिको आगामी निर्वाचन सम्पन्न हुन दुई महिना मात्रै बाँकी छ । एनआरएनए आईसिसिको चुनाव नजिकिएसँगै चुनावी सरगर्मी बढेर गएको छ । एनआरएनएको दशौं विश्व सम्मेलन तथा नयाँ नेतृत्व चयन गर्न हुन लागेको निर्वाचनमा हालसम्म कुल आचार्य र बद्री केसीले उम्मेदवारी दिने घोषणा गरेका छन ।

चुनावको मिति नजिकिँदै जाँदा टीम बनाउने कार्य पनि सुरु भईरहेको छ । ६० मुलुकहरुभन्दा बढि एनसीसी हरुको चुनाव सकिंदा बेलायत,अमेरिका,अस्ट्रेलिया,कतार,मलेसिया,कोरियालगायत अधिकांश एनसीसीहरुमा कुल आचार्य समर्थकहरुको विजय भएको छ । निर्बाचन सम्पन्न भएका ठुला देशहरुमा टीम कुलको समर्थकको जित हुनु र अन्य सत्तरी प्रतिशत देशहरुमा पनि टीम कुलको समर्थकले निर्बाचनमा विजय हासिल गरेपछि आगामी अधिबेसनमा यो समुहको पल्ला भारी देखिएको छ ।संघका सल्लाहकार तथा अध्यक्षका प्रबल दावेदार कुल आचार्यको टिमले जित्ने देखिए पछि उनको समूहमा पर्न उम्मेदवारहरुको दौडधूप शुरु भएको छ ।

हाल संघको संशोधित विधानअनुसार उपाध्यक्ष पदमा एक महिला र एक युवासहित ६ जना रहने व्यवस्था रहेको छ । जनसवाललाई प्राप्त जानकारी अनुसार‘टीम कुल’बाट उम्मेदवारी दिने आईसिसिका पदाधिकारीहरुको लगभग टुंगो लागिसकेको छ ।
समाचार श्रोतका अनुसार उपाध्यक्षमा वर्तमान उपाध्यक्ष सोनाम लामा, सल्लाहकार त्रिलोक गुरुङ,एसी शेर्पा,कोषाध्यक्ष महेश श्रेष्ठ, सचिब आर के शर्मा हिक्मत थापा,उपाध्यक्ष मन केसी र सुनील साह (अमेरिका) मध्यबाट चार जना पर्ने बताइएको छ । यस्तै महिला उपाध्यक्षमा निवर्तमान सचिब जानकी गुरुङ र युवा उपाध्यक्षमा मध्यपूर्व युवा संयोजक राज रेग्मीलाई समावेश गरिएको छ । महासचिवमा एनआरएनए अमेरिकाका पूर्व अध्यक्ष डा केशव पौडेलको निश्चित भएको छ ।

यसैगरी सचिवमा मलेसियाबाट एसिया प्याशिफिक डिआरसी खगेन्द्र न्यौपाने, मध्यपूर्व आरसी प्रविन गुरुङ,युरोप आरसी नारायण आचार्य रहेका छन् भने महिला सचिवमा आइसिसि महिला संयोजक भोमा लिम्बु रहेकी छन् । यस्तै यूकेबाट विनय अधिकारी र अष्ट्रलियाबाट सुरेन्द्र सिग्देलको नामपनि चर्चामा रहेको छ ।
यसैगरी कोषाध्यक्षमा लोक दाहाल र सोम सापकोटाबीच सहमति गर्ने प्रयास भै रहेको र सहकोषाध्यक्षमा एशिया प्याशिफिक आरसी रोविन्द श्रेष्ठ (गोबिन्द),अफ्रिका आरसी रोशन थापा र अस्ट्रेलिया क्षेत्रिय महिला संयोजक जानकी पौडेलबीच सहमति गर्ने प्रयास भैरहेको बताइएको छ ।

यसै गरी टिम कुलबाट आइसिसि युवासंयोजकमा मध्यपूर्व डिआरसि मनोज गोर्खाली र हिमाल गुरुङ मध्ये एक र महिला संयोजकमा बिमला सापकोटाले उम्मेदवारी दिने तयारी गरिरहेका छन् । कुल आचार्यले आफ्नो समावेशी समूहमा एनआरएनएका दिग्गज व्यक्तित्वहरुसँगै युवाहरुलाई समेत समेटने प्रयास गरिरहेको र केहि दिन भित्रै पुरै टिमको नाम सार्वजनिक गरिने समाचार स्रोतले बतायो ।

फेसबुक प्रतिक्रिया
सम्बन्धित शीर्षकहरु