दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

आज देशैभरी ३०७५ जना नयाँ कोरोना संक्रमित थपिए

न्यूजलाईन्स् मिडिया संवाददाता
प्रकाशित मिति : २०७८ भाद्र ३ गते, बिहीबार १८:१८

३ भदौ, काठमाडौं । आज देशैभरी ३०७५ जना नयाँ कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार ११ हजार ९४६ पिसीआर र ४,४९२ एन्टिजेन गरी दुवै विधिबाट गरिएको १६ हजार ४३८ नमुना परीक्षणमा ३४७५ जनामा कोरोना भाइरस संक्रमण पुष्टि भएको हो ।

आज काठमाडौंमा ६३९, ललितपुरमा १२७ र भक्तपुरमा १०१ जना गरी उपत्यकामा आज ८६७ जना नयाँ संक्रमित थपिएका छन् । बुधवारको तुलनामा उपत्यकामा संक्रमित हुनेको संख्या केही कमी हो ।

त्यसैगरी पछिल्लो २४ घण्टामा २१२६ जना कोरोना संक्रमणबाट मुक्त भएका छन् । योसँगै नेपालमा कोरोना संक्रमणबाट निको हुनेको संख्या ६ लाख ९१ हजार २९९ पुगेको छ ।

त्यस्तै आज देशैभरी थप ३३ जना कोरोना संक्रमितको मृत्यु भएको छ । आज थपिएका ३३ जनासँगै नेपालमा कोरोना संक्रमणबाट मृत्यु हुनेको संख्या १० हजार ४२९ पुगेको छ । बुधवारको तुलनामा आज मृत्यु हुनेको संख्या केही घटेको हो ।

हाल देशैभरी सक्रिय संक्रमितको संख्या ४० हजार ५०० रहेको स्वास्थ्य मन्त्रालयले जनाएको छ । ती मध्ये ३७ हजार ११४ जना होमआइसोलेशन र ३,३८६ जना संस्थागत आइसोलेशनमा उपचारत छन् ।

मन्त्रालयका अनुसार हाल देशैभरीका आइसीयुमा ७३९ जना र भेन्टिलेटरमा १६८ जनाको उपचार भइरहेको छ । बुधवारको तुलनामा बिहीवार भेन्टिलेटर र आइसीयुमा उपचार गराउनेको संख्या कम भएको छ ।

त्यस्तै बिहीवार देशैभरी ९१ लाख ११ जनाले कोरोना भाइरसविरुद्धको खोप लगाइएको पनि मन्त्रालयले जानकारी दिएको छ ।

नेपालमा हालसम्म दुवै विधिबाट गरिएको कूल ४१ लाख ९१ हजार ७१५ नमुना परीक्षणमा हालसम्म संक्रमित हुनेको संख्या ८ लाख १४ हजार ३६२ पुगेको छ ।

फेसबुक प्रतिक्रिया
सम्बन्धित शीर्षकहरु