आज मिति २०७८ असाेज ८ गते, शुक्रवारको राशिफलएनआरएनएको विवाद परराष्ट्रले हेर्न पाउने, सर्वोच्चद्वारा अन्तरिम आदेश अस्वीकारएनआरएनए संरक्षकहरुको बैठकद्वारा छानबिनपछि मात्रै निर्वाचन गर्ने निर्णयपछिल्लो २४ घन्टामा थप १२३९ जनामा कोरोना संक्रमण पुष्टिदाहाल र केडियाको अर्थमन्त्रीलाई सुझाव : कृषिमा विदेशी लगानी ल्याउँदा बिचार गर्नुपर्नेडा. आदित्य जोशीको नयाँ गीत ‘मिठा मिठा बात’ सार्वजनिकराष्ट्रिय फोटो पत्रकार समूह, (एनएफपिजे नेपाल) को केन्द्रीय अध्यक्षमा प्रदीपराज वन्तमिसन भण्डाफोर को शुभारम्भ आजप्याब्सन काठमाडौँ महानगरपालिकाको अधिवेशन असोज १६ गतेलाई स¥योकांग्रेस अधिवेशन: काठमाडौ –४ को ईकाइ सभापतिमा दोहोरिए : न्यौपाने

एनआरएनए आइसिसी को २०२१–२०२३ कार्यकालका लागि आरके शर्मा द्वारा उपाध्यक्षमा उम्मेदवारी घोषणा

न्यूजलाईन्स् मिडिया संवाददाता
प्रकाशित मिति : ११ भाद्र २०७८, शुक्रबार ०७:५६

काठमाठौं । गैरआवासीय नेपाली संघ, अन्तर्राष्ट्रिय समन्वय परिषद् (एनआरएनए आइसिसी) को २०२१–२०२३ कार्यकालका लागि आरके शर्मा (राजेन्द्रकुमार शर्मा)ले उम्मेदवार उपाध्यक्षमा उम्मेदवारी घोषणा गरेका छन् ।
शर्माले गैरआवासीय नेपाली संघको ‘नेपालीका लागि नेपाली’ भन्ने मूलमन्त्रसहित चलेको अभियानमा विभिन्न समयक्रममा नेतृत्वमा रहेर समेत जिम्मेवारी निर्वाह गरिसकेका छन् । शर्माले विगतमा मध्यपूर्व संयोजकको २ बर्षे कार्यकाल तथा आइसीसी सचिव पदमा रहेर सफलतापूर्वक आफ्नो जिम्मेवारी निर्वाह गरिसकेका छन् । यसैक्रममा
संस्थाबाट प्राप्त अनुभवलाई संगालेर आगामी कार्यकाल २०२१—२०२३ को लागि एनआरएनए आइसीसी उपाध्यक्ष पदमा उम्मेदवारी घोषणा गरेको शर्माले बताए ।

शर्माले उपाध्यक्ष पदमा आफ्नो उम्मेदवारीका विभिन्न साता अधारसमेत प्रस्तुत गरेका छन् । सुरक्षित, मर्यादित र सम्मानित वैदेशिक रोजगार, गैरआवासीय नेपाली नागरिकता,
रेमिट्यान्सको सही सदुपयोग र लगानी, स्वदेशमा पर्यटन प्रर्वद्धन र विदेशमा नेपाल चिनाउन, एनआरएनमा सबैको स्वामित्व, गोर्खाजको सम्मानित अधिकार,
राष्ट्र विकासका लागि योगदान र विज्ञ नेपालीको पहिचान गर्ने भन्दै शर्माले सात आधार प्रस्तुत गरेका छन् ।

गैरआवासीय नेपाली संघ अन्तर्राष्ट्रिय समन्वय परिषद् २०२१–२०२३ कार्यकालका लागि उपाध्यक्ष पदको उम्मेदवार म आरके शर्मा (राजेन्द्रकुमार शर्मा)को अपील
आदरणीय गैरआवासीय नेपाली अग्रज,दाजुभाई तथा दिदीबहिनीहरु,
सर्वप्रथम, म यहाँहरु सबैमा नेपालीहरुको नजिकिदै आएका महान चाडपर्वहरुको अवसरमा हार्दिक शुभकामना ब्यक्त गर्दछु । यो अवसरमा म समस्त नेपाली र विश्वभर विभिन्न क्षेत्रमा क्रियाशिल मेरा गैर आवासीय अग्रज तथा मित्रजनहरुमा सुस्वास्थ्य, दीर्घायू तथा निरन्तर प्रगतिको कामना गर्दछु । कोभिड महामारी अझै साम्य नभएकाले सबैमा स्वास्थ्य सावधानी अपनाउन र सजक रहन हार्दिक अपील गर्दछु ।
विश्वभर छरिएर रहेका नेपालीमनहरुलाई एकताबद्ध गर्दै मातृभूमी नेपालको विकासमा सदुपयोग गर्ने उद्देश्यका साथ गैरआवासीय नेपाली संघ (एनआरएनए) स्थापना भएको १८ बर्ष पुगिसकेको छ । यो यात्रालाई सफलतापूर्वक यहाँसम्म ल्याई पु¥याउन हाम्रा अग्रज तथा तपाईहरु सबैको लगाव र समर्पणले सम्भव भएको हो । सबैको साझा प्रयासले गैरआवासीय नेपाली संघ देश विदेशमा बस्ने नेपालीको साझा संस्थाकोरुपमा विकास भएको छ । ८० भन्दाबढि देशमा औपचारिक सञ्जालको विस्तार गरेर एनआरएनए वास्तवमै जुनसुकै भुगोलमा रहने नेपाली मनहरुको साझा संस्था बनेको छ ।
गैरआवासीय नेपाली संघको ‘नेपालीका लागि नेपाली’ भन्ने मूलमन्त्रसहित चलेको अभियानमा म विभिन्न समयक्रममा यहाँहरुको विश्वासमा नेतृत्वमा रहेर समेत जिम्मेवारी निर्वाह गरेको छु । मध्यपूर्व संयोजकको २ बर्षे कार्यकालको अवधि होस् या आइसीसी सचिव पदमा रहेर यस पवित्र सामाजिक संस्थाबाट प्राप्त अनुभवलाई संगालेर आगामी कार्यकाल २०२१—२०२३ को लागि एनआरएनए आइसीसी उपाध्यक्ष पदमा उम्मेदवारी घोषणा गरेको छु ।
म मध्यपूर्व संयोजक हुँदा होस् या आइसीसी सचिव हुँदा हामीले एनआरएन अभियान र सरकारले चाल्नु पर्ने कदम तथा दीर्घकालिनरुपमा अपनाउनु पर्ने पोलिसीका विषयहरु निरन्तर उठाइ रहेका छौं । केही विषयहरु संवोधन भए पनि हामीले उठाएका केही मुद्धाहरुलाई स्थापित गर्न अझै सकेका छैनौ । सुरक्षित, मर्यादित र सम्मानित वैदेशिक रोजगार बनाउँदै श्रमिकहरुको सम्मान र देश विकासको रामवाण रेमिट्यान्सको सही सदुपयोग अझै हुन सकेको छैन । एनआरएनएलाई विदेशमा रहेका सम्पूर्ण नेपालीको साझा चौतारी बनाउने मेरो अभियान छ । मेरो तन,मन र धन सदैव एनआरएन अभियानमा समर्पित रहने ब्यहोरा हार्दिकताका साथ अनुरोध गर्दछु ।
विगतको मेरो भूमिकालाई नजिकबाट समीक्षा गर्नु हुने सम्पूर्ण अग्रज, साथीभाईले मलाई उपाध्यक्ष पदमा बसेर संघलाई अझ बढि योगदान दिन गरेको अनुरोधलाई आत्मसात् गर्दै उपाध्यक्ष पदमा उम्मेदबार दिने निर्णय गरेको हुँ । एनआरएनको यो अभियानलाई थप उचाईमा पु¥याउन सतप्रतिशत प्रतिबद्धत रहेको जानकारी गराउँदछु ।


उपाध्यक्ष पदमा मेरा ७ आधार
१, सुरक्षित, मर्यादित र सम्मानित वैदेशिक रोजगार : वैदेशिक रोजगारमा रहेका मध्यपूर्व, मलेसिया, दक्षिण कोरिया, जापान, अफ्रिका लगायतका देशमा रोजगार गर्ने कामदारका मुद्दा पहिलो प्राथमिकतामा राख्न मेरो उम्मेदवारी हो । आज देशको अर्थतन्त्र धान्ने श्रमिकहरुको सही सम्मान हुन सकेको छैन । देश धान्ने हिरोहरुको मुद्दा एनआरएनको सर्वाधिक महत्वको विषय हुनुपर्छ भन्नेमा मेरो जोड रहनेछ । सुरक्षित वैदेशिक रोजगार बनाउन तथा समस्यामा परेकाहरुको सहयोगका लागि सरकारसँगको सहकार्यमा छुट्टै कोष स्थापना गरी पीडितलाई तत्काल सहयोग गर्न र स्वास्थ्य सुरक्षा तथा जनचेतनाका कार्यक्रम संचालन गर्न मेरो उम्मेदवारी हो ।
२, गैरआवासीय नेपाली नागरिकता : सन् २००५देखि हाम्रो माग गैरआवासिय नेपाली नागरिकताको निरन्तता अझै टुंङ्गोमा पुगेको छैन । २०७२ को संविधानले गैरआवासिय नागरिकताको हक प्रत्याभुत गरेपनि नागरिकता बिधेयक विचाराधिन छ । कानुन ल्याई कार्यान्वयनमा ल्याउन संघको तर्फबाट लबी गर्न मेरो उम्मेदवारी हो । त्यसैगरी गैरआवासिय नेपालीहरुको आर्थिक, सामाजिक र सांस्कृतिक अधिकारसहितको गैरआवासीय नेपाली ऐन बन्ने प्रकृयामा छ । गैरआवासीय ऐन हाम्रो माग अनुसार ल्याउनका लागि मेरो उम्मेदवारी हो ।
३, रेमिट्यान्सको सही सदुपयोग र लगानी : विदेशबाट पठाएको रेमिट्यान्सको ६० प्रतिशत भन्दा धेरै रकम अनुत्पादक क्षेत्रमा खर्च भइरहेको छ । देश विकासको रामबाण मानिने रेमिट्यान्सलाई अनुत्पादक क्षेत्रमा भइरहेको खर्च कटौती गर्दै राष्ट्र विकासमा योगदान पु¥याउने वातावरण बनाउनु मेरो प्राथमिकता हो । साथै विदेशी लगानी नेपाल भित्र्याउन र विदेशमा रहेका आम एनआरएनहरुको सामुहिक लगानी ल्याउन मेरो विशेष जोड रहनेछ । १० अर्बको एनआरएन नेपाल डेभलपमेण्ट फण्डमा विशेषगरी श्रमिक बर्गको लगानी सुनिश्चितता गर्नका लागि पनि मेरो उम्मेदवारी हो ।
४, स्वदेशमा पर्यटन प्रवद्र्धन र विदेशमा नेपाल चिनाउन : पर्यटकहरुलाई नेपाल भित्राउनका लागि प्रोत्साहन गर्न आवश्यक भूमिका खेल्नेछु । पर्यटन सम्बन्धी विशेष दख्खल राखेका गैर आवासीय नेपाली विज्ञहरुलाई समेटेर विशेष कार्यदल गठन गरी एनआरएन अभियान अन्तर्गत नै पर्यटन प्रवद्र्धनका लागि विशेष कार्यक्रमहरु संचालन गर्नतिर दत्तचित्त भएर लाग्नेछु । साथै, एनआरएनए भनेको नेपाल बाहिरको नेपाल हो त्यसैले विदेशमा नेपाल र नेपालीपन झल्काउन पहल गर्नेछु ।
५, एनआरएनमा सबैको स्वामित्व : एनआरएन धनीहरुको मात्रै संस्था भन्ने भ्रमलाई चिर्दै सम्पुर्ण विदेशमा रहनुभएका नेपालीहरुको साझा संस्थाकारुपमा विकास गर्ने लक्ष्य मैले लिएकोछु । मध्यपूर्वमा नेपालीलाई समस्या पर्दा होस् वा अफ्रिकामा नेपाली चेली परिबन्दमा पर्दा, चाहे विश्वकै कुनै कुनामा नेपालीले दुख पाउँदा एनआरएन सधै निस्वार्थ रुपमा खट्नु पर्छ । यसमा मेरो भूमिका अग्रपंक्तिमा रहनेछ । विदेशमा रहेका कलाकार, खेलाडी, स्वास्थ्यकर्मी, विद्यार्थी र विभिन्न पेशाकर्मीको छुट्टै सञ्जाल बनाएर राष्ट्र विकासमा टेवा पु¥याउने कार्यको शुरुवात गर्नेछु । भावनात्मक एकतासहितको बलियो संगठन बनाउन पहल गर्नेछु ।
६, गोर्खाजको सम्मानित अधिकार : दुईसय वर्ष अगाडिदेखि नेपालीहरुको बिरताको गाथारुपमा चिनिएका गोर्खाजहरु संसारभरि फैलिएका छन् । उहाँको अधिकारको लागि आमरण अनसन तथा आन्दोलन गर्नु परिरहेको छ । उहाँहरुको समान हक र अधिकारको लागि मैले आफ्नो अर्को मुद्धा बनाएको छु ।
७, राष्ट्र विकासका लागि योगदान र विज्ञ नेपालीको पहिचान : आजसम्म एनआरएनएले आफ्नो अभियानमा धेरै समय तथा स्रोत साधन मानवीय कार्यमा केन्द्रित गरिरहेको छ । आगामी दिनहरुमा यसका अलावा एनआरएनएको स्रोत साधन राष्ट्र विकासको अभियानमा केन्द्रित गराउन पहल गर्नेछु । गैरआवासीय नेपालीहरु विदेशमा दक्ष काम गरिरहनु भएको छ, हामीहरुले सीपको पहिचान र क्षमता अभिवृद्धी गरेर भोलिका दिनमा नेपाली दक्ष तथा विज्ञ नेपालीहरु विदेशमा होइन नेपालमा नै योगदान दिने वातावरण बनाई सम्बृद्ध नेपाल निमार्णका लागि टेवा पुग्ने परियोजनाहरु ल्याउन मैले विशेष पहल गर्नेछु ।
माथि उल्लेखित बुंदाहरु मेरा प्राथमिकतामा परे पनि तत्कालिन अवस्थामा आइपर्ने सबै काममा मेरो सक्रिय भूमिका रहनेछ । एनआरएनए अभियानमा काम गर्ने मेरो अभिप्रायलाई एनआरएनए आईसीसी उपाध्यक्षको भूमिकामार्फत पूरा गर्ने अवसरका लागि यहाँहरु सबैमा हार्दिक अनुरोध गर्दछु । अन्तमा तपाइको सद्भाव, सहयोग र सुझाव नै मेरो लागि अमूल्य नीधि हुन्, त्यसकै बलमा एनआरएन अभियानलाई अझ उचाईमा पु¥याउन सधै प्रतिवद्ध रहनेछु ।
धन्यवाद सहित
आरके शर्मा (राजेन्द्रकुमार शर्मा)
उम्मेदवार
उपाध्यक्ष (२०२१—२०२३)
गैरआवासीय नेपाली संघ, अन्तर्राष्ट्रिय समन्वय परिषद्

फेसबुक प्रतिक्रिया
सम्बन्धित शीर्षकहरु