• हेर्नुस् आज मिति २०७९ साउन २४ गते, मंगलवारको राशिफलसाइप्रसवासी नेपाली दाजुभाइ तथा दिदीबहिनीहरु मा गैरआवसिय नेपाली संघ साइप्रसको अत्यन्तै जरुरी सूचना।नेप्से परिसूचक आज दोहोरो अङ्कले ओरालोपछिल्लो २४ घण्टामा ९३४ जनामा कोरोना संक्रमणबैंक अफ काठमाण्डू लिमिटेडको रिकरिङ्ग र रिभर्स रिकरिङ्ग खाता सार्वजनिकटिएमएस मार्फत खरिद गरिएको सेयर रकम अबदेखि इसेवा मार्फत भुक्तानी गर्न सकिनेदिपेन्द्र सोनाम भए द फ्लीक मोडलको बिजेताप्रिती र राजेशको नयाँ तिज गित 'भेलु बाजे डान्स' सार्बजनिक(भिडियो सहित)मन्त्री श्रेष्ठ स्वयम्भु भगवानको दर्शन गरी स्वयम्भू महाचैत्यको परिक्रमानेपाली जनसम्पर्क समिति साइप्रसको दोस्रो महाधिवेशन भब्यता को साथ सम्पन्न ,सभापतिमा पुष्पा मिश्र सर्वसम्मत चयन ।

    ४८ घण्टाभित्र सरकारले पूर्णता पाउँछ : मीन विश्वकर्मा

    न्यूजलाईन्स् मिडिया संवाददाता
    प्रकाशित मिति : १३ भाद्र २०७८, आईतवार १७:३९

    काठमाडौं, १३ भदौ । प्रमुख सत्तारूढ दल नेपाली कांग्रेसका प्रभावशाली नेता तथा पूर्वमनत्री मीन विश्वकर्माले ढिलोमा अबको ४८ घण्टाभित्र सरकारले पूर्णता पाउने दाबी गरेका छन् । मन्त्रिपरिषद् विस्तारबारे गठबन्धनमा आवद्ध दलका शीर्ष नेताहरुबीच सहमति भैसकेको उनको भनाई छ ।

    आज (आईतबार) रिपोर्टर्स क्लब नेपालले आयोजना गरेको साक्षात्कारमा बोल्दै नेता विश्वकर्माले यस्तो बताएका हुन् । उनले माधव नेपालले पनि सरकारमा सहभागी हुने बताएकोले नै पर्खिंदा सरकारलाई पूर्णता दिन केही ढिलाई भएको भएपनि भोलि साँझसम्म मन्त्रिपरिषद् विस्तार भैसक्ने दाबी गरे ।

    क्लबका सभापति ऋषि धमलाको सभापतित्वमा आयोजित साक्षात्कारमा बोल्दै उनले राजनीतिक दल विभाजनसम्बन्धी अध्यादेश नल्याएको भए संसद् र सरकारको पूर्ण कार्यकाल सुनिश्चित्ता गर्न नसकिने थियो भन्ने धारणा राखे । उनले आफूहरुको कारण एमाले विभाजन नभएको पनि स्पष्ट पारे । लोकतन्त्रमा दल विभाजन हुन दुःखद् भएको उनको टिप्पणी थियो ।

    उनले भने,‘अहिले एमाले अप्ठ्यारोमा छ । नेताहरुको अभिव्यक्ति आक्रोशित छ । एमाले नेताहरुको प्रश्नको जवाफ दिन थालियो भने हामी पनि अलमलमा पर्छौं । १६ पुगी १७ लाग्दा यस्तै हुन्छ नि भन्ने गीतजस्तै पार्टी फुट्दा यस्तै हुन्छ । छोडेर जानेहरुलाई सत्तोसराप गर्ने प्रचलन हो । एमाले र माओवादी केन्द्र जोडद ४५ लाख मत थियो । कांग्रेस एक्लैले ३५ लाख प्राप्त गरेको थियो । जनमत कांग्रेसको ठूलो हो । गएको निर्वाचनमा केही ट्याक्टिस, हावादारी कुरा नगर्दा, रेल, तेल र सुरुङको कुरा नगर्दा हामी परीणाममा दोस्रो भयौं ।’

    उनले राजनीति दल विभाजनसम्बन्धी अध्यादेश ल्याउनु गलत नभएको पनि स्पष्ट पारे । उनले भने,‘त्यो संसद् नभएको बेला ल्याईन्छ । हिजो केपी ओलीले पुष ५ गते संसद् विघटन गरेर ल्याउनुभयो । अहिले शेरबहादुर देउवाले संसद् पूनःस्थापना गरेर संसद्को अधिवेशन अन्त्य भएको बेलामा ल्याउनुभयो । हिजो दल विभाजन गर्ने मनशाय नै थिएन । तर, अहिले त अवस्था अर्कैै थियो । अध्यादेश अपरिहार्य थियो । सुरक्षित रुपमा ल्याईएको थियो ।’ उनले प्रतिनिधिसभा सभामुख अग्नि प्रसाद सापकोटाको भूमिका ठीक रहेको पनि स्पष्ट पारे ।

    उनले भने,‘सांसदलाई कारबाही गरेको कुरा संसदीय दलको निर्णय हुनुपर्छ । त्यतिकै कारबाही गर्न पाईँदैन् । केपी ओलीले संसद्मा विश्वासको मत लिँदा, सांसदहरुलाई ह्वीप जारी भएको थिएन । अनि कसरी कारबाही गर्न मिल्छ ? बास्तवमा भन्ने हो भने एमालेका यो संसद्मा सांसद नै छैनन् । जति सांसद छन् उहाँको कदमविरुद्ध उभिएका सांसद छन् । एमालेले १४ जना सांसदलाई कारबाही गर्न भनेर सभामुखसमक्ष पत्राचार गरेको छ, तर उहाँले १५ दिन विचाराधिन राखिदिनुभयो । यो संविधानसम्मत् छ । अध्यादेश बाध्यात्मक परिस्थितिमा आएको हो । सभामुखले संविधानसम्मत् भूमिका खेल्नुभएको छ ।’

    एमाले नेताहरुले कांग्रेसले आफ्नो पार्टी फुटाईदिएको भनेर लगाएको आरोपमा पनि कुनै सत्यता नभएको विश्वकर्माको टिप्पणी थियो । उनले भने,‘नेपाली कांग्रेसले यसो छड्के आँखा हेर्दा फुट्ने पार्टी कस्तो पार्टी हो ? त्यस्तो पार्टी नबनाउनुहोस, धराप र कमजोर पार्टी नबनाउनुहोस । एमाले व्यवस्थित् भएर आओस । तर, एमाले उठ्ने समभावना छैन् । एमाले फुट्दा कांग्रेस खुशी छैन् । एमाले विभाजन हुँदा हामी खुशी छैनौं । हामी दल जुट्दा खुशी हुन्छौं ।’

    उनले अहिले एमालेले ठूलो दल भएर प्रतिपक्षी दलमा बस्नु परेको भनेर पीडा सुनाएकोमा पनि टिप्पणी गरे । उनले भने,‘एमालेलाई आफू प्रधानमन्त्री हुँदा दोस्रो भएपनि ठीक हुने, अनि तेस्रो भएपनि ठीक हुने । तर, अरु भयो भने गुनासो मात्रै किन ? उनले आपतविपत्मा सबभन्दा ठूलो औषधी धैर्यता हो । यो बेला एमालेका नेताहरुले धैर्यता लिनुहोस । कांग्रेसलाई कुनै हर्ष छैन्, बरु विस्मात् छ ।’

    फेसबुक प्रतिक्रिया
    सम्बन्धित शीर्षकहरु