• हेर्नुस् आज मिति २०७९ साउन २४ गते, मंगलवारको राशिफलसाइप्रसवासी नेपाली दाजुभाइ तथा दिदीबहिनीहरु मा गैरआवसिय नेपाली संघ साइप्रसको अत्यन्तै जरुरी सूचना।नेप्से परिसूचक आज दोहोरो अङ्कले ओरालोपछिल्लो २४ घण्टामा ९३४ जनामा कोरोना संक्रमणबैंक अफ काठमाण्डू लिमिटेडको रिकरिङ्ग र रिभर्स रिकरिङ्ग खाता सार्वजनिकटिएमएस मार्फत खरिद गरिएको सेयर रकम अबदेखि इसेवा मार्फत भुक्तानी गर्न सकिनेदिपेन्द्र सोनाम भए द फ्लीक मोडलको बिजेताप्रिती र राजेशको नयाँ तिज गित 'भेलु बाजे डान्स' सार्बजनिक(भिडियो सहित)मन्त्री श्रेष्ठ स्वयम्भु भगवानको दर्शन गरी स्वयम्भू महाचैत्यको परिक्रमानेपाली जनसम्पर्क समिति साइप्रसको दोस्रो महाधिवेशन भब्यता को साथ सम्पन्न ,सभापतिमा पुष्पा मिश्र सर्वसम्मत चयन ।

    आफ्नो इकाइमा आफू नै कांग्रेसको साझा उम्मेदवार हुँ भन्ने प्रेम थापा को हुन् ?

    न्यूजलाईन्स् मिडिया संवाददाता
    प्रकाशित मिति : १६ भाद्र २०७८, बुधबार ०५:४१

    काठमाडौ । नेपाली कांग्रेसको १४ औं महाधिवेशनको प्रक्रिया सुरु भएपछि उम्मेदवारी घोषणाको लहर नै चलेको छ । लामो समयदेखि पार्टीमा रहेर सक्रियता देखाएका नेताले नेतृत्व लिन पाए हुन्थ्यो भन्ने चाहना गर्दै आएका छन् ।
    काठमाडौंको कागेश्वरी मनोहरा नगरपालिका –४ मा इकाई सभापतिमा प्रेम थापाले उम्मेदवारी दिने बताएका छन् । उनले आफू कांग्रेसको साझा उम्मेदवार भएको दाबी गरेका छन् । ‘ म गुटसुटको विश्वास गर्दिन, म सभापति हुन योग्य छु, सबैले मतलान गर्नुहुन्छ भन्ने लाग्छ’ उनले भने ‘पार्टीमा विभिन्न समूहका नाममा देखिएको आपसी द्धन्द्धले कसैलाई फाइदा गर्दैन, म कांग्रेसलाई हाँक्न सक्छु यति बुझे भइगयो नि ।’ उनले आफू राजनीतिक मात्र नभई सामाजिक व्यक्तित्व पनि भएको स्पष्ट पारेका छन् । उनले पार्टीका लागि त जस्तोसुकै भूमिका पनि खेलेका छन् तर त्योभन्दा बढी उनी सामाजिक रुपमा सक्रिय छन् । जहाँ बसेर काम गरे पनि आफू सफल भएको बताउने उनी भन्छन् ‘मैले आजसम्म कसैलाई पनि घाटा हुने काम गरेको छैन, समाजका प्रत्येक विकास निर्माणमा मेरो सक्रियता रहेको छ ।’ यो इकाइमा ४ सय ३ मतदाता रहेका छन् ।


    उनी २०४९ सालदेखि सक्रिय रुपमा राजनीतिमा लागेका हुन् । उनी नेपाल तरुण दलको नगरपालिकाको निर्वाचित अध्यक्ष हुन् । हिजोको दिनमा नगर अध्यक्ष हुने बेलामा पनि आफूविरुद्ध अनेक षड्यन्त्र भए पनि निर्वाचन जितेको उनको भनाई छ । ‘मलाई मेरो व्यक्तित्व देखेर आरिस गर्नेहरु धेरै छन्, खुट्टा तान्ने प्रवृत्तिले मलाई पनि अप्ठेरो पारेको छ तर म सफल भएरै निस्केको छु’ उनले भने ‘अहिले मैले इकाई सभापतिको उम्मेदवारी दिइरहँदा पनि धेरै मान्छे अत्तालिएका छन्, मलाई हराउनुपर्छ भनेर लागेका छन् तर मलाई कुनै डर छैन ।’ उनले अहिलेसम्म आफूले पार्टीमा र समाजमा गरेको योगदानको कदर हुने बताएका छन् । उनी ब्रम्हदीप यूवा क्लवका पूर्व अध्यक्ष, डाँछी भद्रवास खानेपानी तथा सरसफाईको सचिव हुन् ।
    प्रष्ट विचार राख्दै आएका उनी आफ्नो उम्मेदवारीबाट पछि नहट्ने बताउँछन् । ‘मेरो उम्मेदवारी परेपछि जित्छु भन्ने लागेर धेरै नेताले आफ्नो पक्षमा सर्वसम्मति गरौं भनिरहेका छन्, म निर्वाचित नै भएर आउँछु भनेको छु’ उनले थपे ‘ मेरो नेतृत्वमा कांग्रेस आएपछि पार्टीलाई कस्तो बनाउनुपर्छ भन्ने मलाई थाहा छ, उदाहरणीय कांग्रेस बनाउने योजनामा कसैले पनि बाधा खडा नगरोस् ।’ उनले आफू इकाई सभापति भएपछि पार्टीमा देखिएको आन्तरिक द्धन्द्ध मिलाउने, पार्टीलाई सबैको साझा हो भनेर एकताको भावनाको विकास गर्ने, पार्टीलाई देश विकास र सामाजिक कार्यमा सक्रिय गराउने, पार्टीप्रति आकर्षण ल्याउनेलगायतका योजना बनाएका छन् ।


    कांग्रेस जनताको माझमा लोकप्रिय पार्टी भए पनि नेतृत्वले कहिलेकाहीँ गरेका गलत गतिविधिको विषयमा उनलाई चिन्ता छ । हिजो प्रमुख प्रतिपक्षीको रुपमा संसदमा रहँदा पार्टीले प्रभावकारी भूमिका खेल्न नसकेकोमा समेत उनलाई चिन्ता छ । ‘ कांग्रेसलाई मतदान गर्न जनता तयार छन् तर कांग्रेस एजेण्डाविहीन भयो भन्ने धेरैको गुनासो छ, विगतका कमजोरीलाई सच्याएर पार्टी अघि बढ्नुपर्छ’ उनले भने ‘ कांग्रेस पुरानो र ऐतिहासिक पार्टी भएकाले जनाधार बलियो छ, यसलाई व्यवस्थितमात्र गरे पुग्छ ।’ झण्डै दुई तिहाई ल्याएको नेकपाबाट जनता वाक्कदिक्क भइसकेकाले कांग्रेसको विकल्प अरु नभएको उनी बताउँछन् ।
    उनले आफू इकाई सभापति भएपछि आगामी संघीय, प्रदेश र स्थानीय तहको निर्वाचनमा प्रभावकारी भूमिका खेल्दै पार्टीलाई जिताउने अडान लिएका छन् । उनले युवा परिचालन गर्ने र जनतालाई आफ्नो विचारले प्रभाव पार्ने क्षमता आफूसँग भएको दाबी गरेका छन् । पार्टीलाई बलियो बनाउन र जनताको माझमा कांग्रेस नै एकमात्र विकल्प हो भन्ने पुष्टि गर्न पनि आफू सभापति हुनुपर्ने उनले स्पष्ट पारेका छन् ।

    फेसबुक प्रतिक्रिया
    सम्बन्धित शीर्षकहरु