
नमराज भट्ट
काठमाडौं, २९ भाद्र २०७८
सरकारले ट्रमा सेन्टरको निर्देशकको जिम्मेवारी बरिष्ठ अर्थोपेडिक सर्जन डा. प्रमोद जोशीलाई दिएको छ।
हाल निर्देशक रहेका डा. सन्तोष पौडेललाई कान्ति बाल अस्पतालमा सरुवा गरिएको छ। तर, उनलाई काज भने, ट्रमा सेन्टरमै राखिएको मन्त्रालय स्रोतले जनाएको छ।
को हुन त डा. प्रमोद जोशी
डा. जोशी धनगढी सेती प्रादेशिक अस्पतालबाट एक वर्ष अगाडि कान्ति बाल अस्पतालमा सरुवा भएर ट्रमा सेन्टरमा काजमा आएका थिए।
डा. जोशीले सुदुरपश्चिमका दुर्गम भेगका बिरामीहरुको मन जिताउन सफल भएका एक चिकित्सक हुन्।
१० औं तहका अर्थोपेडिक सर्जन डा. जोशी नेपाल चिकित्सक संघको केन्द्रीय सदस्य पनि हुन् । डा. जोशीले ११ वर्षसम्म सुदूरपश्चिममा काम गरेको थियो र अर्थोपेडिक सर्जन भएर पनि जिल्लामा जिल्लामा गएर काम गरे । मेडिकल फिल्डमा लागेको २०/ २१ वर्ष भएको छ।
डा. जोशीले दार्चुला जिल्ला अस्पतालको मेसु हुँदा उत्कृष्ट काम गरेबापत सर्वोत्कृष्ट निजामति सेवा पुरस्कार पाएकाे थियो।


