
नमराज भट्ट
काठमाडौं, ०३ असोज २०७८
सरकारले नेपाल प्रहरी अस्पतालका प्रहरी नायब महानिरीक्षक तथा प्रमुख बालरोग विशेषज्ञ डा. मीनराज पाठकलाई सुप्रवल जनसेवाश्री पदकबाट विभूषित गर्ने निर्णय भएको छ।
डा. पाठकले २०५२ साल देखि २०६२ साल सम्म करिब १० वर्ष भन्दा बढी दन्द्कालमा सुदुरपश्चिम तथा मध्य पश्चिममा गएर गरिव, असहायको सेवा गरेका थिए । जुन त्यति बेला बिकट ठाउँका मान्छेहरूको लागि भगवान सरह मानिन्थ्यो । जुन अहिले पनि दुर्गम भेगका ठाउँमा चिकित्सक जान मान्दैनन्।
संबिधान दिवसको दिन ९ सय भन्दा बढीलाई सरकारले विभिन्न मानपदवी, अलंकार र बिभूषणबाट सम्मान गरिनेछ।
स्वास्थ्य क्षेत्रमा महत्त्वपूर्ण योगदान गरे बाफत डा. पाठकलाई सरकारले सो पदक प्रदान गरेको हो ।
त्यस्तै गरी प्रहरी अस्पतालकै डा. गोपेश कुमार ठाकुर, डा. राम कृष्ण राजभण्डारी र डा. दामोदर पौडेललाई पनि सरकारले सुप्रवल जनसेवाश्री पदक दिने घोषणा गरेको छ।
प्रहरी अस्पतालकै डा. अच्युत बिक्रम हमाल, डा. बिपिन कुमार श्रेष्ठ र डा. श्री बिन्दुर शर्मालाई भने प्रवल जनसेवाश्री पदक दिइने भएको छ।


