• ३०० घरधुरी बिपन्न परिवारलाई एनआरएनए बाट राहत सामग्री हस्तान्तरणश्रममन्त्री श्रेष्ठ र युएईका मानव संशाधन मन्त्री अवारबीच भेटवार्ताखेलकुद मन्त्रीको स्वागतसुमनको सहयोगबाग्मती प्रदेशमा मुख्यमन्त्री पदमा दाबी पेस गर्न प्रदेश प्रमुखको कार्यालयले आह्वाननेप्से आज १८.०६ अंकले बढेर दुई हजार ७ सय ६९ दशमलब १३ विन्दुमापछिल्लो २४ घण्टामा ६७२ जनामा कोरोना भाइरस संक्रमण पुष्टिआपसी समझदारीमा नै न्यायालयको समस्या समाधान गर्नुपर्छ, भोलिसम्म सोलुसन निस्कियोस भन्ने शुभेच्छा छ’ : पूर्व न्यायाधीश पुरुषोत्तम भण्डारीPakistan Embassy helds talk Programme on Kashmir Disputeयस्तो छ आज देशभरिको मौसम पूर्वानुमान

    आगामी निर्वाचन जित्न १४ औं महाधिवेशनको भूमिका महत्वपूर्ण

    न्यूजलाईन्स् मिडिया संवाददाता
    प्रकाशित मिति : ५ आश्विन २०७८, मंगलवार १३:२९

    काठमाडौं, ५ असोज । नेपाली कांग्रेसका सह–महामन्त्री डा. प्रकाश शरण महतले पार्टीलाई सशक्त बनाएर आगामी निर्वाचनमा तीनै तहमा नेपाली कांग्रेसलाई विजयी बनाउन १४ औं महाधिवेशनको ठूलो भूमिका रहने बताउनुभएको छ ।

    नेपाली कांग्रेस काठमाडौं महानगरपालिका वडा नं ४ र ५ को १४ औं वडा अधिवेशनको उद्घाटन मन्तव्य दिंदै सह–महामन्त्री डा. महतले सो कुरा बताउनुभएको हो ।

    अलग अलग आयोजित दुवै वडा अधिवेशनमा प्रमुख अतिथि रहनुभएका सह–महामन्त्री डा. महतले नेपाली कांग्रेसको हालको लक्ष्य आगामी आम निर्वाचन जित्ने रहेकोले त्यस अनुरुपको संगठन निर्माणमा क्रियाशील सदस्यको ठूलो भूमिका रहने उल्लेख गर्नुभयो ।

    सह–महामन्त्री डा. महतले साधारण सदस्य र क्रियाशील सदस्यबीचको अन्तर बताउदै भन्नुभयो, “जो जो नेपाली कांग्रेसको आदर्श, सिद्धान्त, नीति र अनुशासनमा विश्वास गर्नुहुन्छ , उहाँहरु साधारण सदस्य बन्न पाउनुहुन्छ तर क्रियाशील सदस्य हुन पार्टीमा निरन्तर क्रियाशील हुनुपर्दछ । ”

    उहाँले पार्टीको संगठनमा केही समय दिन सक्ने, संगठन विस्तार गर्न र आम जनतालाई आकर्षित गर्न सक्ने विश्वासले सक्रिय सदस्य बन्नु भएका पार्टी कार्यकर्ताहरुलाई वडादेखि राष्ट्रिय तहसम्म पार्टीले सुम्पिएका जिम्मेवारी पूरा गर्दै पार्टीलाई जनतासंग जोड्ने प्रयास गर्नुहुन पनि आग्रह गर्नुभयो ।

    पार्टीका क्रियाशील सदस्यलाई पार्टीको वडा अधिवेशनमा मतदाता बन्ने, कार्यसमिति, क्षेत्रीय समितिमा उम्मेद्वार बनेर निर्वाचित हुने अधिकार भएको बताउदै सह–महामन्त्री डा.महतले क्रियाशील सदस्यहरुले पार्टीको संगठन निर्माण गर्न र जनताको बीचमा लोकप्रिय बनाउन महत्वपूर्ण भूमिका खेल्ने बताउनुभयो ।

    सह–महामन्त्री डा. महतले चुनाव जितेमा तीनै तहमा सरकारमा गएर जनताको सेवा गर्ने,राष्ट्रिय र स्थानीय तहसम्मको नीति निर्माण गर्ने अवसर प्राप्त हुने भएको त्यसको लागि संगठन बलियो बनाउन र संगठनका माध्यमबाट नागरिकसंगको सुसम्बन्ध कायम गर्न पनि आग्रह गर्नुभयो ।

    यस पटकको महाधिवेशन ब्यापक सहभागितामूलक र पारदर्शी ढंगलमा भैरहेको बताउदै सहमहामन्त्री डा. महतले पहिले ४ लाख सदस्य भएकोमा अहिले ८ लाख सदस्य पुगेको, सदस्य र क्रियाशील सदस्यता विधिसम्मत र विवेकपूर्ण ढंगले वितरण गरिएको, गुनासो र उजुरी सुन्ने छानवीन गर्ने प्रावधान राखिएकोले समय लागेको तर सौहाद्र्र र सहभागितामूलक रुपमा भैरहेको बताउनुभयो ।

    उहाँले महाधिवेशन संविधानको मर्म अनुरुप र पार्टीको विधान अनुरुप समावेशी प्रतिनिधिमूलक ढंगले भैरहेको पनि बताउनुभयो । उहाँले कुनै वर्गसमुदायले पार्टीको नेतृत्व गर्ने अवसरबाट वञ्चित भए भन्ने गुनासो नरहने गरी महाधिवेशनका प्रक्रियाहरु चलिरहेको पनि बताउनुभयो ।

    सह–महामन्त्री डा. महतले नेपाली कांग्रेसको नेतृत्वमा आएको वर्तमान संविधानको अक्षर र भावना अनुरुप एक तिहाई स्थानमा महिलाहरु निर्वाचित गर्ने कार्यको थालनी भएको बताउदै भन्नुभयो, “नेपाली कांग्रेस सविधानको मर्म र भावनाको कार्यान्वयन गर्ने पहिलो पहिलो पार्टी हुँदैछ ।”

    उहाँले महाधिवेशनको क्रममा कार्यकर्ता तहमा देखिएको ठूलो उत्साहले आउने निर्वाचनमा नेपाली कांग्रेस पूर्ण बहुमतका साथ सरकार बनाउन सफल हुने विश्वास जगाएको बताउनुभयो ।

    सह–महामन्त्री डा.महतले अघिल्लो निर्वाचन जितेर आएका दलहरु राज्य सञ्चालनमा असफल भएकोले अप्ठ्यारो अवस्थामा नेपाली कांग्रेसको नेतृत्वमा संयुक्त सरकार बनेको उल्लेख गर्दै भन्नुभयो, “प्रतिकूलतासंग जुध्दै सरकार सम्पूर्ण नागरिकलाई खोप दिएर जनतालाइ सुरक्षा दिएको छ । ”

    उहाँले नेपाली कांग्रेसका संस्थापक नेताहरु बी.पी. कोइराला, गणेशमान सिंह, कृष्णप्रसाद भट्टराईले सोचेजस्तो नेपाली जनताको सेवा गर्दै समृद्ध र स्वाभिानी बनाउने जिम्मेवारी पूरा गर्न यो महाधिवेशनले महत्वपूर्ण योगदान पुर्याउने बताउनुभयो ।

    उहाँले नेपाली कांग्रेसका कार्यकर्ताका सामु चुनौति र अवसर दुवै रहेको बताउदै पाएको जिम्मेवारीलाई पार्टी निर्माणमा लगाउन आग्रह गर्नुभयो ।

    सहमहामन्त्री डा. महतले नेतृत्व चयनमा सहमति सर्वोत्तम हुने र नभएमा प्रजातान्त्रिक तरिकाले मतदानबाट निर्णय गर्नु उचित हुने सुझाव दिंदै दुवै वडा अधिवेशनको सफलताको शुभकामना दिनुभएको थियो ।

    फेसबुक प्रतिक्रिया
    सम्बन्धित शीर्षकहरु