काठमाडौँ, ५ असोज । गण्डकी प्रदेशका सांसद प्रकाशचन्द्र दवाडीले गण्डकी प्रदेशमा अघिल्लो सरकारले तीन वर्षमा गर्न नसकेको काम वर्तमान सरकारले गरेको बताउनुभएको छ ।
सांसद दवाडीले आज संसदमा बोल्दै गण्डकी प्रदेशमा प्राइभेट फर्म दर्ता गर्न बनेको विद्येयकले जनतालाई फर्म दर्ता गर्न जनतालाई सहज बनाएको बताउनुभयो । “विद्येयकले उद्योग तथा कारखाना दर्ता गर्न केन्द्र धाउनुपर्ने परम्पराको अन्त्य गरेको छ,”– उहाँले भन्नुभयो । अब फर्म दर्ता जिल्लास्तरिय घरेलु कार्यालयबाट हुने उहाँको भनाई थियो ।
सांसद दवाडीले फर्म सञ्चालन गरेर चल्न नसकेको अवस्थामा फर्म खारेज गर्न अफ्ठ्यारो हुने गरेको भन्दै नयाँ विद्येयकले यसलाई समेत सहज पारिदिएको बताउनुभयो ।
उक्त विद्येयक आएसँगै अव स्थानीय सरकारले राजश्व उठाउने भएकाले स्थानीय सरकारलाई सवल र सक्षम हुने बताउनुभयो । विद्येयकले महिला, दलित, अपाङ्ग, पिछडिएका वर्गले दर्ता गर्दा ५० प्रतिशत सहुलियत हुने भएकाले राम्रो भएको बताउनुभयो । अब अनलाइनबाट समेत फर्म दर्ता गर्ने व्यवस्थाले थप सहज भएको उहाँको भनाई थियो ।
२०८० मंसिर १३ - बुधबार
