दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

दाहाल र केडियाको अर्थमन्त्रीलाई सुझाव : कृषिमा विदेशी लगानी ल्याउँदा बिचार गर्नुपर्ने

न्यूजलाईन्स् मिडिया संवाददाता
प्रकाशित मिति : २०७८ आश्विन ७ गते, बिहीबार १७:०७

काठमाडौ ।त्रिभुवन विश्वविद्यालय केन्द्रिय अर्थशास्त्र विभाग र परिसंघले संयुक्त रुपमा आयोजना गरेको कार्यक्रममा नेपाल डेरी एसोसिएसनका महासचिव प्रल्हाद दाहल र निवर्तमान अध्यक्ष सुमित केडियाले आत्मनिर्भर भएका, आत्मनिर्भर उन्मुख कृषि क्षेत्रमा कुनै हालतमा पनि विदेशी लगानी ल्याउन नहुने कुरामा जोड दिए । नेपालमा लगानीको कुनै कमि नै होइन । यहाँ त लगानीको लागी वातावरणको कमि हो । लगानी मैत्री निति नियम ल्याउने हो भने यहाँ लगानी जति पनि आउँछ । एउटा कुनै कम्पनीको आइपियो खुल्यो भने ५०औं गुणा बढी रकम उठ्छ । त्यसकारण अब हामीले यदि यो देशको विकास गर्ने र कृषि क्षेत्रमा आत्मनिर्भर बन्ने हो भने लगानी होइन प्रविधि भित्र्याउनु पर्छ । यसो गर्दा यहिँका जनताले रोजगार पाउने र स्वदेशमै रकम परिचालन हुनेछ भन्ने कुरा दाहाल र केडियाले बताए ।

सो कार्यक्रममा नेपाल डेरी एसोसिएसनको तर्फबाट अर्थ मन्त्री शर्मालाई बिदेशी लगानी आउँदा पर्ने असर र केहि सुझाव समेटिएको पत्र हस्तान्तरण गरिएको थियो । सो पत्रमा समाबेश गरिएका बुँदाहरु निम्नानुसार थिए ।

लगानी प्रवर्द्धनका लागि स्थापना गरिएको एकद्वार प्रणाली ठिक भएता पनि सरोकारवालाहरु र संबन्धित मन्त्रालयको स्वीकृत अनिवार्य गरिनुपर्ने ।
जति नै लगानी आउने भए पनि सरोकारवाला र संबन्धित मन्त्रालयबाट अनिवार्य स्वीकृत गराउनै पर्ने ।कुनै पनि क्षेत्रमा विदेशी लगानी ल्याउँदा त्यसबाट स्वदेशी उद्योगलाई पर्न जाने असरको जिम्मा राज्यले लिनु पर्ने ।

पहिले स्वदेशी उद्योगलाई सक्षम बनाई बल्ल अन्य देशको लगानी ल्याउन लाग्नुपर्ने । आत्मनिर्भर भएका र आत्मनिर्भर उन्मुख क्षेत्रमा भने विदेशी लगानी ल्याउन नहुने । विदेशी लगानी ल्याउँदा गरिने व्यवहार स्वदेशी उद्योगलाई पनि गरिनुपर्ने ।

राज्यले लगानी लगाउन नसक्ने र जनताको इच्छा नहुने क्षेत्रमा मात्र विदेशी लगानी ल्याउनु पर्ने ।कृषिमा विदेशी लगानी रोकी स्वदेशी उद्योग र यहाँका किसानलाई जोगाऔं ।

फेसबुक प्रतिक्रिया
सम्बन्धित शीर्षकहरु