दक्षिण एसियाली आईटीएफ तेक्वान्दोको तयारी पूरा⚡हरिबोधनी एकादशी आज : तुलसी विवाहदेखि माङ्गलिक कार्यको शुभारम्भसम्म⚡महायज्ञमा रोका परिवारको प्रेरणादायी सहयोग : शिक्षा सुधारका लागि १६ लाख ६६ हजार ६६६ रुपैयाँ दान⚡सौन्दर्य व्यवसायमा स्प्राकलको छलाङ, पहिलो र दोस्रो शाखा दुवै महराकै हातबाट उद्घाटन⚡बहिरा फुटबल टोली दक्षिण कोरिया जाने⚡जिग्री सेकुवाको १०औँ तथा सबैभन्दा ठूलो आउटलेट धुम्बाराहीमा⚡दोहामा एनआरएनए मध्यपूर्व सम्मेलनको तयारी अन्तिम चरणमा⚡अभियान लघुवित्तको वार्षिकोत्सवमा वृद्धाश्रमलाई खाद्यान्न सहयोग⚡कर प्रणालीलाई लगानी, उत्पादन र रोजगारी प्रवर्द्धनको माध्यम बनाउनुपर्छ : चेम्बर अध्यक्ष अग्रवाल⚡पश्चिमी वायुको प्रभाव कायमै, हिमाली क्षेत्रमा वर्षा र हिमपातको सम्भावना

मेरो जित नगरपालिकाको विकासको लागि पनि हो – सचिव फुयाल

न्यूजलाईन्स् मिडिया संवाददाता
प्रकाशित मिति : २०७८ आश्विन १९ गते, मंगलवार १४:३९

काठमाडौ । नेपाली कांग्रेसको १४ औं महाधिवेशनमा काठमाडौको तारकेश्वर नगर सचिवमा राजु फुयाँल विजयी भएका छन् । उनले पार्टीको पदमा जितेको भए पनि आफूले नगरपालिका र नगरवासीको हितमा काम गर्ने बताएका छन् । केही दिनअघि भएको अधिवेशनमा उनले सम्मानजनक मत पाएर जितेका हुन् । उनले १ सय २६ मत पाएका छन् । युवा नेता फुयाँलले नगरको विकास निर्माण कार्यमा अतुलनीय योगदान गर्दै आएका छन् । आफूले गरेको सामाजिक कामलाई पत्याएर नै पार्टीका साथीहरुले मतदान गरेको हुनाले त्यो विश्वास घट्न नदिने उनले बताएका छन् ।

निर्वाचित भइसकेपछि उनले आफ्ना योजना पनि अघि सारेका छन् । उनले २० वर्ष अघिदेखि कांग्रेसको विभिन्न पदमा रहेर काम गरिसकेका छन् । फुयाँलले कांग्रेसप्रति जनताको विश्वास भएकाले आगामी दिनमा पनि जनताको पक्षमा काम गर्नुपर्नेमा जोड दिएका छन् । ‘म नगर सचिवमा निर्वाचित हुँदा जति खुसी छु, त्यति नै जिम्मेवारीले थिचिएको महसुस पनि गरेको छु’ उनले भने ‘ म राजनीतिमा अरुलाई दिनका लागि लागेको हुनाले जति समस्या आए पनि जुध्दै र समाधान गर्दै जान्छु ।’ उनले आफ्नो कार्यकालमा कसैले गुनासो गर्नु नपर्ने पनि स्पष्ट पारेका छन् । उनले राजनीतिसँगै समाजसेवामा पनि योगदान दिने लक्ष्य लिएका छन् । ‘मेरो जीत यसो हेर्दा कांग्रेसको लागिमात्र जस्तो देखिएको छ तर मैले नगरपालिकाका लागि नै केही गर्ने सोच बनाएको छु ।’

फेसबुक प्रतिक्रिया
सम्बन्धित शीर्षकहरु