• विमानस्थलको श्रम डेस्कमा मन्त्री श्रेष्ठको अनुगमन, सेवा प्रवाह प्रभावकारी बनाउन निर्देशनभष्ट्राचार मुक्त राज्य सन्यन्त्र र सेवा मुखी प्रशासनको कल्पनामा नै आगामी चुनाबमा स्थापित हुने आधार हुनरोटरी क्लब अफ कपनले विश्व पोलियो दिवस मनायो "पछिल्लो २४ घण्टामा देशैभरी थपिए ५५७ कोरोना संक्रमित, ३ जनाको मृत्युआज बजार परिसूचक २७ दशमलव ५१ अकंले बढेर समग्र परिसूचक २५८४ दशमलव ५२ बिन्दुमाआबुधाबी डाइलग’ मा सहभागि हुन मन्त्री श्रेष्ठ सहितको टोली दुबई प्रस्थानबैंक अफ काठमाण्डू लिमिटेडका ग्राहक महानुभावहरुलाई काठमाण्डौं गेस्ट हाउसका होटल तथा रिसोर्टहरुमा १५% छुटमनीष र रोनिशा पहिलोजिम्न्याष्टिक टोलीको बिदाइमिस्टर एण्ड मिस टिन सुपर मोडल,२०२१' को ताज रोजक र सुहानीको शिरमा

    चाडबाड भन्दा स्वास्थ्य ठुलो

    न्यूजलाईन्स् मिडिया संवाददाता
    प्रकाशित मिति : २० आश्विन २०७८, बुधबार २१:०१

    डा.बिकास रिजाल
    कन्सल्टेन्ट फिजिसियन

    दशैं तिहार र छठ पर्व जस्ता महत्वपूर्ण चाड पर्व नजिकिँदै छ। कोरोना भाइरसका कारण यो बर्षको चाडपर्व पनि फिक्का जस्तै हुने भएको छ। गाउँघर तिर होस या सहर सबैतिर माहामारीको त्रास छ।

    गत बर्षदेखि दशै तिहार र छठ लगायतका चाडपर्वहरूमा भेटघाट गर्ने, किनमेल गर्ने‌ र टिका थप्न जानेभन्दा महामारीलाई मध्य नजर गर्दै पर्याप्त स्वास्थ्य सजगता अपनाउनु जरुरी छ।

    कोरोना भाइरसको संक्रमणले धनी, गरिब, नेता, कार्यकर्ता, चिकित्सक, स्वास्थ्यकर्मी कसैलाई पनि छोडिरहेको छैन भन्ने उदाहरण थुप्रै छ। हाम्रो देशमा पनि बिगत २ वर्ष देखि सुरु भएको संक्रमण आइपुग्दा लाखौं सँख्यामा संक्रमण भइसकेका छन् र मृत्यु हुनेको संख्या पनि हजारौँको सङ्ख्यामा छ।

    यो महामारीको चपेटाबाट देशका कुनै पनि जिल्ला बच्न सकेको छैन । यसको खोप पूर्ण रुपमा लगाइसकेको छैन। त्यसैले यसबाट बच्ने एउटै उपाय भनेको स्वास्थ्य सचेतना अपनाएर जिउनु हो। भिडभाडमा नजाने, मास्क लगाएर मात्र बाहिर निस्कने, अनावश्यक रुपमा बाहिर नजाने, सावुनपानीले नियमित हात धुने, सेनिटाइजर लगाउने, स्वस्थकर खानेकुरा खाने र व्यायाममा ध्यान दिनु नै यो महामारीबाट बच्ने सचेतना हो।

    हामी चिकित्सकहरुले पनि यही कुरालाई महत्व दिइरहेका छौं। स्वास्थ्य संबेदनशीलतालाई ध्यानमा राखेर हामीलाई पनि घरमै बसेर चाडपर्व बनाउने बाध्यता आएको छ ।

    स्वास्थ्य रहे दशै तिहार त अर्को वर्ष पनि मनाउँला तर स्वास्थ्य नै रहेन भने चाडपर्वको अर्थ रहदैन। कोरोना भाइरस समुदाय स्तरमा फैलिइसकेकाले सचेतना अपनाउन अत्यन्त जरुरी छ।

    विशेष गरी दीर्घरोगीका बिरामीहरुले आफ्नो स्वास्थ्यको बारेमा विशेष ध्यान पुर्याउनुहोला । कुन समयमा कुन औषधि खानुपर्छ ध्यान दिनु जरुरी छ। सुगर, प्रेसर, कोलेस्टेरोल जस्ता बिरामीहरुले पनि नियमित रुपमा खाना खाने, सरसफाईमा ध्यान दिनु पर्ने हुन्छ। ज्वरो, रुघाखोकी तथा स्वासप्रस्वासमा एक्कासी कुनै समस्या आएमा चिकित्सक तथा स्वास्थ्यकर्मी संघ परामर्श लिनुपर्दछ।

    फेसबुक प्रतिक्रिया
    सम्बन्धित शीर्षकहरु