
विजया टिका र आशिरवाद लिने दुर्गा पूजाको दशौँ दिन
धर्ति सिगार्नु छ यो
अग्लो पर्वत हिमको शिखरमा बस्छन शिव पार्वती
हो यो लोक शिवालय छ युगको आधार मान्छन कती
ब्रह्माको तप भूमि दिव्य छ धरा पतञ्जली यै थिए
देवीको जब शक्ति पाई दुनिया संसार हाक्ने भए ।। २ ।।
सिता उत्पतीको कथा छ गहिरो आदर्श नारी भनि
पूजित छन सबकी सदा समरकी जाज्वल्यताकी धनि
गार्गी दर्शनकी प्रख्यात महिमा गाएर सन्छि र
सारा शक्तिछ देवीको समरमा वैरी कहा टिक्छ र ।। ३ ।।
आशुतोष स्वयं उदार दिलका प्राणीहरुका प्रिय
नन्दी वाहन छन त्रिशुल छ स्वयं आफु त नांगा थिए
खाने भांग र औषधीय वनको बुट्टिहरु खोज्दछन
कैल्यै लोभ रहेन सम्पत्ति कतै संसार नै हाक्दछन ।। ४ ।।
यस्तैमा युगलाई शक्ति सुरले ढाकेर पालन गरि
मान्छे भित्र अनेक विकृती भए मानेर शत्रुसरी
जित्नु पर्छ सधै पवित्र मनले प्राणी सबैको घर
आफै भित्र छ दुष्टता प्रबृतिको फालौ सजिलै पर ।। ५ ।।
नासै गर्नुछ दुष्ट दैत्यहरुको होस तारका त्यो शुर
त्रिपुर्भेदन शिवको विजय हो मान्छन सबै घर्घर
रावणलाई लतारी राम यही नै सच्चा विजेता वने
आफ्नै दुष्ट मति हटाउ सबले संसार हाक्छौ भने ।। ६ ।।
कोभिड आँउछ दुष्ट यो छ कतिको ज्यानै लियो आखिर
कैले चल्दछ आँधि कम्प भूमीको यस्मै छ हाम्रो पिर
खिचा तानी छ राजनीति नमूना बन्दैनकी बस्ति यो
पौरख मात्र सिकाई द्यौ न जननी धर्ति सिगार्नु छ यो ।। ७ ।।
बाबाधामको कोसेली २९ आश्विन २०७८
शिव अधिकारी तथा बाबाधाम परिवार
बाबाधाम कोटेश्वर काठमाण्डांंै


