• टि-२० विश्वकमा पाकिस्तान क्रिकेट टिमले लगातार दोस्रो जित हासिल

    न्यूजलाईन्स् मिडिया संवाददाता
    प्रकाशित मिति : १० कार्तिक २०७८, बुधबार ११:०३

    १० कार्तिक, काठमाडौँ । टि-२० विश्वकमा पाकिस्तान क्रिकेट टिमले लगातार दोस्रो जित हासिल गरेको छ । पाकिस्तानले आफ्नो दोस्रो खेलमा न्यूजिल्याण्डलाई ५ विकेटले पराजित गरेको हो ।

    टि-२० विश्वकप २०२१ को आफ्नो पहिलो खेलमा टस हारेर पहिले ब्याटिङ्ग गरेको न्यूजिल्यण्डले २० ओभरमा ८ विकेट गुमाएर १३४ रन बनाएको थियो । न्यूजिल्याण्डका लागि ब्याटिङ्गमा डेरिल मिचेल र डेवन कन्वेले सर्वाधिक २७/२७ रन बनाएका थिए । बलिङ्ग तर्फ पाकिस्तानका लागि भने ह्यारीस रैफले ४ ओभरमा २२ खर्चेर सर्वाधिक ४ विकेट हात पारेका थिए ।

    न्यूजिल्याण्डले दिएको १३५ रनको सामान्य लक्ष्य पाकिस्तानले १८.४ ओभरमा ५ विकेट गुमाएर पुरा गर्यो । पाकिस्तानका लागि मोहम्मद रिजवानले सर्वाधिक ३३ रन बनाएका थिए । त्यसैगरी सोयब मलिकले २६, इमान वासिमले ११, बाबर आजमले ९, फखर जमानले ११, मोहम्मद हफिजले ११ र आसिफ अलिले २७ रनको योगदान दिएका थिए । न्यूजिल्याण्डका लागि बलिङ्गमा इश सोधीले सर्वाधिक २ विकेट लिएका थिए ।

    जितसँगै पाकिस्तान २ खेलबाट ४ अकं जोड्दैँ अकं तालिकाको शिर्ष स्थानमा उक्लिएको छ ।

    फेसबुक प्रतिक्रिया
    सम्बन्धित शीर्षकहरु