
काठमाडौँ, १ मंसिर । नेपाली काँग्रेस काठमाडौँ क्षेत्र नं ५ को केन्द्रिय महाधिवेशन प्रतिनिधी (आदिवासी जनजाती तर्फ) राजेन्द्र मान जोशीले उम्मेद्वारी दिने हुनुभएको छ ।
पार्टीको १४ औँ महाधिवेशनअन्तर्गत आगामी मंसीर ६ गते हुन लागेको क्षेत्रीय अधिवेशनमा कामपा ४ बालुवाटार निवासी जोशीले केन्द्रिय महाधिवेशन प्रतिनिधीमा उम्मेद्वारी दिने घोषणा गर्नुभएको हो ।

विकास निर्माण कार्यमा अतुलनीय योगदान प्रस्तुत गर्दै प्रत्यक्ष तथा अप्रत्यक्ष विभिन्न सामाजिक कार्यहरु मार्फत स्थानीयको मन जित्ने कार्य गर्दैआएका राजेन्द्र मान नेपाली काङ्ग्रेसको बिभिन्न कार्यसमितिमा बसेर काम गरिसक्नु भएको छ। जोशी बिगत बयालिस वर्ष भन्दा पहिले २२ बर्षको उमेरमा विद्यार्थी राजनीतिबाट सक्रिय सदस्य लिए देखि निरन्तर रुपमा नेपाली काङ्ग्रेसको मुल मर्म र सिद्धान्तलाई आत्मसाथ गरि पार्टी,संगठनलाई जोगाउन सक्रिय रहेका छन।

नेपाली कांग्रेसका संस्थापक एवम् २०४६ को जनआन्दोलनका कमाण्डर ,देशमा प्रजातन्त्र बहाली र पुनर्बहालीका लागि समर्पित गणेशमान सिंहको बिचार लाई मूर्त रुप दिई मुलुकको आर्थिक विकासका लागि आफुले महाधिवेशन प्रतिनिधीमा उम्मेद्वारी दिन लागेको जोशीले बताउनुभयो ।


