• राजेन्द्र लिङ्देनले टुंग्याए आफ्नो प्यानलपार्टीलाई विचार केन्द्रित बनाऔ र सामूहिक भावना समेटेर बढाऔ : सहमहामन्त्री डा. महतकेशु पुन मगर निर्देशित गीति एल्बम “जोवन बैना देउ” र कुमारी बाँठा मगर (मनु)को उपन्यास “पीडाको पोखरी” एकैसाथ बिमोचनसदस्य–सचिव घिसिङद्वारा पूर्वाधारको निरीक्षणनेपाली खेलकुदलाई माथि उठाउन कुनै कसर बाँकी राख्दिन ः सदस्य–सचिव१४ औं महाधिवेशन स्वास्थ्य समितिलाई पूर्णतानवनिर्वाचित उपाध्यक्ष युवराज ज्ञवालीको दाबी : एमालेप्रति जनताको आकर्षण निरन्तर बढ्दो छ, फेरि पनि वामपन्थी र कम्युनिष्टहरुबीच एकता आवश्यक छवीर अस्पतालमा आज देखि नेशनल टेलिकल्सन्टेसन सेन्टर शुरुधनगढीमा ‘बेसिक फर नर्स’ तालिम सम्पन्नअपांगता भएका व्यक्तिको अधिकार कटौती हुनु दुर्भाग्य– अध्यक्ष शर्मा

    नेपाली काँग्रेसको आज निर्वाचन क्षेत्र तहको महत्वपूर्ण अधिवेशन

    न्यूजलाईन्स् मिडिया संवाददाता
    प्रकाशित मिति : ६ मंसिर २०७८, सोमबार १५:५९

    काठमाडौं, ६ मंसिर । नेपाली काँग्रेसको आज निर्वाचन क्षेत्र तहको महत्वपूर्ण अधिवेशन भइरहेको छ । आजको अधिवेशनबाट १ सय ४९ निर्वाचन क्षेत्रका ३ हजार ७ सय २५ प्रतिनिधि चयन हुँदैछन् ।

    काठमाडौं उपत्यकासहित देशका बढी निर्वाचन क्षेत्र भएका जिल्लाहरुमा प्रतिनिधि चयन भइरहेको छ । जसमा काँग्रेसको केन्द्रीय पदाधिकारी देखि केन्द्रीय सदस्यका दाबेदारहरु पनि प्रतिनिधि चयनको प्रतिष्पर्धामा छन् ।

    सभापति र पदाधिकारीका आकांक्षीले आजको अधिवेशनलाई महत्वका साथ हेरेका छन् । आजको प्रतिनिधि चयनले कस्को कति शक्ति भन्ने आँकलन गर्न सजिलो हुनेछ ।
    काँग्रेस सभापति शेरबहादुर देउवा, वरिष्ठ नेता रामचन्द्र पौडेल, उपसभापति विमलेन्द्र निधि, महामन्त्री डा. सशांक कोइराला, पूर्वमहामन्त्रीहरु प्रकाशमान सिंह र कृष्णप्रसाद सिटौला, केन्द्रीय सदस्यहरु डा. शेखर कोइराला र सुजाता कोइराला सभापतिका दाबेदार छन् । उनीहरु जतिसक्दो बढीभन्दा बढी आफूनिकटस्थहरुलाई महाधिवेशन प्रतिनिधि बनाउन सक्रिय छन् ।

    पश्चिममा शेरबहादुर देउवा, गण्डकी प्रदेशमा रामचन्द्र पौडेल, पूर्वमा कोइराला परिवार र कृष्णप्रसाद सिटौला, काठमाडौं उपत्यकासहित बागमती प्रदेशमा प्रकाशमान सिंह, प्रदेश नं २ मा विमलेन्द्र निधिले बढी ध्यान खिचेका छन् । उक्त क्षेत्र उनीहरुको गृहक्षेत्र पनि हो ।

    काँग्रेसमा आजै क्षेत्रीय सभापति र महासमिति सदस्य पनि चयन हुनेछन् ।

    काँग्रेस विधानमा प्रतिनिधि सभा निर्वाचन क्षेत्रमा वडा तहबाट निर्वाचित भएका प्रतिनिधिहरु मतदाता हुन्छन् । सो क्षेत्र भित्र रहेका पार्टी केन्द्रीय कार्यसमितिका वर्तमान एवं पूर्व पदाधिकारी तथा सदस्यहरु, जिल्ला सभापति, क्षेत्रीय सभापति, संघीय संसदका सदस्य र उम्मेदवार, प्रदेश सभा सदस्य र उम्मेदवार एक अवधिका लागि क्षेत्रीय अधिवेशनका लागि सदस्य हुने भएकाले मतदाता हुनेछन् ।

    हरेक प्रतिनिधि सभा क्षेत्रबाट सभापतिसहित कुल २५ जना महाधिवेशन प्रतिनिधि हुन्छन् । जसमध्ये ४ महिलासहित १४ जना प्रत्यक्ष र बाँकी महिला, दलित, आदिवासी जनजाति, खसआर्य, मधेशी, थारु, मुस्लिम, पिछडिएको क्षेत्रबाट १० जना प्रतिनिधि चयन हुने व्यवस्था छ । महाधिवेशन प्रतिनिधि हुनका लागि क्रियाशील सदस्यता लिएको ४ वर्ष पुगेको हुनुपर्ने व्यवस्था छ ।

    फेसबुक प्रतिक्रिया
    सम्बन्धित शीर्षकहरु